Mádeniet jáne sport ministri Arystanbek Muhamediuly ánshi Tóreǵali Tóreáliniń Pavlodardaǵy daýly kontsertine qatysty pikir bildirdi, - dep habarlaidy Tengrinews.kz tilshisi.
Ministrdiń aitýynsha, bul oqiǵa kontsert indýstriiasyn zańnamamen retteýdi qajet etetinin kórsetken.
"Qazir bizde, ókinishke qarai, kez kelgen adam kontsert uiymdastyra alady, ánshiniń ózi de uiymdastyra alady. Mundai oqiǵa boldy ma, onda biz shara qoldanýymyz qajet. Men árqashan kórermendi qurmetteý kerek degen oidamyn", - dedi ministr.
Arystanbek Muhamediuly mundai jaǵdailar qaitalanbaýy úshin ministr retindegi mindeti qazaqstandyq kontsert indýstriiasyn órkenietti naryqqa keltirý kerek ekenin atap ótti.
"Bar másele bul salanyń zań turǵysynda rettelmegeninde bolyp tur. Mysaly, kez kelgen adam kontsert uiymdastyra alady. Álemde kontsert uiymdastyrǵysy kelgender litsenziia alady. Qazir biz ony (Tóreǵali Tóreálini - Avt.) jaqtaýymyz da, dattaýymyz da múmkin. Al kontsert uiymdastyrýmen kásibi uiym ainalyssa, uiymdastyrýshylardan mundai jaǵdaiǵa nelikten jol berilgenin, ánshiniń qandai kúide bolǵanyn surai alar edik, qazir onyń tipti aqylǵa qonymsyz áreket jasaǵanyn aityp, talqylap jatyr. Barlyǵyn da zańmen retteý kerek dep esepteimin", - dedi Muhamediuly.
