مەدەنيەت جەنە سپورت مينيسترٸ ارىستانبەك مۇحامەديۇلى ەنشٸ تٶرەعالي تٶرەەلٸنٸڭ پاۆلودارداعى داۋلى كونتسەرتٸنە قاتىستى پٸكٸر بٸلدٸردٸ, - دەپ حابارلايدى Tengrinews.kz تٸلشٸسٸ.
مينيستردٸڭ ايتۋىنشا, بۇل وقيعا كونتسەرت يندۋستريياسىن زاڭنامامەن رەتتەۋدٸ قاجەت ەتەتٸنٸن كٶرسەتكەن.
"قازٸر بٸزدە, ٶكٸنٸشكە قاراي, كەز كەلگەن ادام كونتسەرت ۇيىمداستىرا الادى, ەنشٸنٸڭ ٶزٸ دە ۇيىمداستىرا الادى. مۇنداي وقيعا بولدى ما, وندا بٸز شارا قولدانۋىمىز قاجەت. مەن ەرقاشان كٶرەرمەندٸ قۇرمەتتەۋ كەرەك دەگەن ويدامىن", - دەدٸ مينيستر.
ارىستانبەك مۇحامەديۇلى مۇنداي جاعدايلار قايتالانباۋى ٷشٸن مينيستر رەتٸندەگٸ مٸندەتٸ قازاقستاندىق كونتسەرت يندۋستريياسىن ٶركەنيەتتٸ نارىققا كەلتٸرۋ كەرەك ەكەنٸن اتاپ ٶتتٸ.
"بار مەسەلە بۇل سالانىڭ زاڭ تۇرعىسىندا رەتتەلمەگەنٸندە بولىپ تۇر. مىسالى, كەز كەلگەن ادام كونتسەرت ۇيىمداستىرا الادى. ەلەمدە كونتسەرت ۇيىمداستىرعىسى كەلگەندەر ليتسەنزييا الادى. قازٸر بٸز ونى (تٶرەعالي تٶرەەلٸنٸ - اۆت.) جاقتاۋىمىز دا, داتتاۋىمىز دا مٷمكٸن. ال كونتسەرت ۇيىمداستىرۋمەن كەسٸبي ۇيىم اينالىسسا, ۇيىمداستىرۋشىلاردان مۇنداي جاعدايعا نەلٸكتەن جول بەرٸلگەنٸن, ەنشٸنٸڭ قانداي كٷيدە بولعانىن سۇراي الار ەدٸك, قازٸر ونىڭ تٸپتٸ اقىلعا قونىمسىز ەرەكەت جاساعانىن ايتىپ, تالقىلاپ جاتىر. بارلىعىن دا زاڭمەن رەتتەۋ كەرەك دەپ ەسەپتەيمٸن", - دەدٸ مۇحامەديۇلى.
