Memleket basshysy Qasym-Jomart Toqaev pedagogterdiń quqyqtaryn qorǵaýdy kúsheitýge jáne bilim berý júiesin jetildirýge baǵyttalǵan zańǵa qol qoidy, dep habarlaidy ult.kz.
Zańdaǵy eń mańyzdy jańalyqtardyń biri – pedagogterden bilim berý salasyndaǵy zańnamada kózdelmegen esepter men málimetterdi talap etýge tyiym salynýy. Sonymen qatar bilim berý uiymdarynda qujattardy bir mezgilde qaǵaz jáne elektrondyq formatta júrgizýdi mindettegeni úshin ákimshilik jaýapkershilik engiziledi.
Jańa normalarǵa sáikes, muǵalimder men bilim berý uiymdarynyń basshylyǵy oqýshylar úshin tek bilim berý protsesi júrip jatqan ýaqytta ǵana jaýapty bolady. Al balanyń ómiri, densaýlyǵy men qaýipsizdigine qatysty ata-analardyń jaýapkershiligi naqty aiqyndaldy.
Zańda sondai-aq mektepterde uialy telefondardy paidalaný tártibin retteý kózdelgen. Endi bul máselege qatysty naqty qaǵidalardy Oqý-aǵartý ministrligi bekitedi.
Qujatqa sáikes, bilim berý júiesine alǵash ret akademiialyq adaldyq uǵymy engiziledi. Bul ziiatkerlik menshikke qurmet mádenietin qalyptastyrýǵa jáne bilim sapasyn arttyrýǵa baǵyttalǵan.
Budan bólek, halyqaralyq WorldSkills kásibi sheberlik jarystarynyń jeńimpazdaryna UBT tapsyrmai-aq beiindik mamandyqtar boiynsha joǵary oqý oryndaryna túsý múmkindigi beriledi.
Zań psihologiialyq-pedagogikalyq qoldaýdy qajet etetin balalardy qoldaý sharalaryn keńeitýdi, sheteldik joǵary oqý oryndary filialdarynyń qyzmetin retteýdi jáne meditsinalyq kadrlardy daiarlaý júiesin jetildirýdi de qamtidy.
