Elimizde muǵalimder ekonomikadaǵy ortasha jalaqymen teń ailyq alady. Bul týraly QR Oqý-aǵartý ministri Ashat Aimaǵambetov aitty, dep habarlaidy QazAqparat.
«Biz osy jerde tájiribe almasamyz. Kóptegen áriptesimiz Qazaqstannyń tájiribesin zerdeleidi. Onyń ishinde Prezident Qasym-Jomart Toqaevtyń qoldaýymen qabyldanǵan «Pedagog mártebesi týraly» zań barlyǵyna qyzyǵýshylyq týdyrary sózsiz. Bul zań bilim berý salasynda kóp nárseni ózgertkeni, onyń ishinde jalaqynyń ósýine sep bolǵany shyndyq. Qazir muǵalimderimizdiń ortasha jalaqysy ekonomikadaǵy ortasha jalaqymen dep aita alamyz. Dál osy tapsyrmany úsh jyl buryn alǵa qoiǵan edik. Eńbekaqy aitarlyqtai ósti», - dedi ministr TMD-ǵa múshe elder muǵalimderi men basqa da bilim berý qyzmetkerleriniń VII sezinde.
Ministr pedagogter ózderiniń quziretine kirmeitin jumystarǵa endigi ýaqytta tartylmaitynyn, ol zańdy turǵyda sheshilgenin basa aitty.
«Esterińizde bolsa, erterekte olar páter jaǵalap, esik qaǵyp, ózderiniń jumysyna kirmeitin isterdi atqaratyn. Esep-qisaby da kóp edi. Barlyq is-shara pedagog áriptesterimizdiń moinyna artylatyn. Sondyqtan bul máseleniń bárin Zańnyń qabyldanýy arqasynda túbegeili sheshtik. Bul jumysta ary qarai da jalǵastyra beremiz», - dedi Ashat Aimaǵambetov.
