ەلٸمٸزدە مۇعالٸمدەر ەكونوميكاداعى ورتاشا جالاقىمەن تەڭ ايلىق الادى. بۇل تۋرالى قر وقۋ-اعارتۋ مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«بٸز وسى جەردە تەجٸريبە الماسامىز. كٶپتەگەن ەرٸپتەسٸمٸز قازاقستاننىڭ تەجٸريبەسٸن زەردەلەيدٸ. ونىڭ ٸشٸندە پرەزيدەنت قاسىم-جومارت توقاەۆتىڭ قولداۋىمەن قابىلدانعان «پەداگوگ مەرتەبەسٸ تۋرالى» زاڭ بارلىعىنا قىزىعۋشىلىق تۋدىرارى سٶزسٸز. بۇل زاڭ بٸلٸم بەرۋ سالاسىندا كٶپ نەرسەنٸ ٶزگەرتكەنٸ, ونىڭ ٸشٸندە جالاقىنىڭ ٶسۋٸنە سەپ بولعانى شىندىق. قازٸر مۇعالٸمدەرٸمٸزدٸڭ ورتاشا جالاقىسى ەكونوميكاداعى ورتاشا جالاقىمەن دەپ ايتا الامىز. دەل وسى تاپسىرمانى ٷش جىل بۇرىن العا قويعان ەدٸك. ەڭبەكاقى ايتارلىقتاي ٶستٸ», - دەدٸ مينيستر تمد-عا مٷشە ەلدەر مۇعالٸمدەرٸ مەن باسقا دا بٸلٸم بەرۋ قىزمەتكەرلەرٸنٸڭ VII سەزٸندە.
مينيستر پەداگوگتەر ٶزدەرٸنٸڭ قۇزٸرەتٸنە كٸرمەيتٸن جۇمىستارعا ەندٸگٸ ۋاقىتتا تارتىلمايتىنىن, ول زاڭدى تۇرعىدا شەشٸلگەنٸن باسا ايتتى.
«ەستەرٸڭٸزدە بولسا, ەرتەرەكتە ولار پەتەر جاعالاپ, ەسٸك قاعىپ, ٶزدەرٸنٸڭ جۇمىسىنا كٸرمەيتٸن ٸستەردٸ اتقاراتىن. ەسەپ-قيسابى دا كٶپ ەدٸ. بارلىق ٸس-شارا پەداگوگ ەرٸپتەستەرٸمٸزدٸڭ موينىنا ارتىلاتىن. سوندىقتان بۇل مەسەلەنٸڭ بەرٸن زاڭنىڭ قابىلدانۋى ارقاسىندا تٷبەگەيلٸ شەشتٸك. بۇل جۇمىستا ارى قاراي دا جالعاستىرا بەرەمٸز», - دەدٸ اسحات ايماعامبەتوۆ.
