Ózbekstanda muǵalimniń birinshi synyp oqýshysyn uryp jatqan videosy áleýmettik jelide tarady. Oqiǵa Namangan oblysynyń Qasansai aýdanyndaǵy №39 mektepte bolǵan, dep habarlaidy ult.kz.
Namangan oblysynyń Mektepke deiingi jáne mektep bilim basqarmasynyń málimetinshe, jaǵdai 16 qyrkúiek kúni saǵat 10:30 shamasynda, úshinshi sabaq kezinde bolǵan. Bastaýysh synyp muǵalimi 1 «B» synybynda oqityn balaǵa kúsh qoldanǵan.
Aldyn ala málimet boiynsha, buǵan oqýshynyń kitaptaǵy mátindi oqi almaǵany sebep bolǵan.
Qazir oqiǵaǵa qatysty tiisti qyzmetter tekserý júrgizip jatyr.
