Eloiza daýyly jaipap ótken Mozambiktiń ortalyq bóligindegi birqatar aýdandar jáne portty qala Beira sý astynda qaldy. Surapyl jeldiń jyldamdyǵy saǵatyna 160 shaqyrymǵa jetken, dep habarlaidy VVS.
Mozambik Ulttyq meteorologiia institýtynyń (INAM) málimetine qaraǵanda, Beirada 24 saǵattyń ishinde 250 mm nóser jańbyr jaýǵan.
Jergilikti bilik pen agenttik zardap shekkenderge kómektesý úshin kelgen shyǵynnyń mólsherin esepteýde jáne jaryqsyz qalǵan birneshe aýdanda elektr jelisin jáne bailanys júiesin qalpyna keltirýge árekettenýde.
Jergilikti biliktiń aitýynsha, tórt adam qaza tapqan.
Mozambikiń ekinshi qalasy Beiranyń turǵyndary da úilerin sýdan tazartyp jatyr.
Ulttyq institýttyń ókili Antonio Belezanyń aitýynsha, myń úi tutastai qiraǵan, taǵy úsh myńy qatty búlingen. Sondai-aq 160 myńnan astam adam zardap shekken.
Daýyl aǵashtar men elektr baǵandaryn qulatyp, jarnama qalqandaryn ushyryp áketken.
Osy aýmaqtaǵy birneshe ózen arnasynan asty. Mozamik ortalyǵyndaǵy aýdandar sý astynda qaldy.
