ەلويزا داۋىلى جايپاپ ٶتكەن موزامبيكتٸڭ ورتالىق بٶلٸگٸندەگٸ بٸرقاتار اۋداندار جەنە پورتتى قالا بەيرا سۋ استىندا قالدى. سۇراپىل جەلدٸڭ جىلدامدىعى ساعاتىنا 160 شاقىرىمعا جەتكەن, دەپ حابارلايدى ۆۆس.
موزامبيك ۇلتتىق مەتەورولوگييا ينستيتۋتىنىڭ (INAM) مەلٸمەتٸنە قاراعاندا, بەيرادا 24 ساعاتتىڭ ٸشٸندە 250 مم نٶسەر جاڭبىر جاۋعان.
جەرگٸلٸكتٸ بيلٸك پەن اگەنتتٸك زارداپ شەككەندەرگە كٶمەكتەسۋ ٷشٸن كەلگەن شىعىننىڭ مٶلشەرٸن ەسەپتەۋدە جەنە جارىقسىز قالعان بٸرنەشە اۋداندا ەلەكتر جەلٸسٸن جەنە بايلانىس جٷيەسٸن قالپىنا كەلتٸرۋگە ەرەكەتتەنۋدە.
جەرگٸلٸكتٸ بيلٸكتٸڭ ايتۋىنشا, تٶرت ادام قازا تاپقان.
موزامبيكٸڭ ەكٸنشٸ قالاسى بەيرانىڭ تۇرعىندارى دا ٷيلەرٸن سۋدان تازارتىپ جاتىر.
ۇلتتىق ينستيتۋتتىڭ ٶكٸلٸ انتونيو بەلەزانىڭ ايتۋىنشا, مىڭ ٷي تۇتاستاي قيراعان, تاعى ٷش مىڭى قاتتى بٷلٸنگەن. سونداي-اق 160 مىڭنان استام ادام زارداپ شەككەن.
داۋىل اعاشتار مەن ەلەكتر باعاندارىن قۇلاتىپ, جارناما قالقاندارىن ۇشىرىپ ەكەتكەن.
وسى اۋماقتاعى بٸرنەشە ٶزەن ارناسىنان استى. موزاميك ورتالىعىنداعى اۋداندار سۋ استىندا قالدى.
