Moratoriidi alyp tastaǵannan keiin janar-jaǵarmai baǵasynyń ósýine jol bermeý kerek. Bul týraly búgin Úkimet otyrysynda QR Ulttyq bank tóraǵasy Ǵalymjan Pirmatov aitty, dep habarlaidy QazAqparat.
«Úkimet pen ákimdikterdiń 2022-2024 jyldarǵa arnalǵan Infliatsiiany baqylaý jáne tómendetý jónindegi is-sharalar keshenin tiimdi iske asyrýy, retteletin turǵyn úi-kommýnaldyq sharýashylyǵy qyzmetterine, janar-jaǵarmai baǵasynyń ósýine engizilgen moratorii jáne tutynýshylyq suranystyń shekteýli dinamikasy infliatsiiaǵa tejeýshi yqpal etetin bolady. Moratoriidi alyp tastaǵannan keiin janar-jaǵarmai baǵasynyń ósýine jol bermeý kerek. Ol úshin shamadan tys deldaldyqty joia otyryp, naryqtyq baǵa belgileýge jáne naryqtardy teńgerimdi damytýǵa jaǵdai jasaý qajet», - dedi UB tóraǵasy.
Sondai-aq onyń paiymynsha, azyq-túlik pen tyńaitqyshtarǵa álemdik baǵanyń ósýi tarapynan infliatsiia úshin táýekelderdi barynsha azaitqan jón. Ol úshin saýda is-sharalaryn qabyldaý, logistikadan týyndaityn problemalardy jedel sheshý, tiimdi taýar interventsiialary, qubylmalylyqty retke keltirýdiń naryqtyq tetikterin engizý usynylady.
«Osy turǵyda búgingi otyrystyń kún tártibinde turǵan Orta merzimdi kezeńde azyq-túlik qaýipsizdigin qamtamasyz etý josparyn tiimdi iske asyrǵan jón. Azyq-túlik infliatsiiasyn turaqtandyrý infliatsiiany tómendetýde mańyzdy bolyp tabylady. Ulttyq bank áleýmettik mańyzy bar azyq-túlik taýarlary boiynsha ǵana emes, infliatsiiaǵa eleýli úles qosatyn basqa da tamaq ónimderi boiynsha jumys júrgizilýi tiis dep esepteidi. Baǵany turaqtandyrý úshin Ulttyq bank óz tarapynan bazalyq stavka boiynsha aldaǵy sheshimderdi boljamdy jáne naqty infliatsiiany, infliatsiialyq kútýlerdi jáne geosaiasi jaǵdaidyń damýy men oǵan qarjy naryqtarynyń yqpalyn eskere otyryp qabyldaityn bolady», - dedi Ǵalymjan Pirmatov.
