موراتورييدٸ الىپ تاستاعاننان كەيٸن جانار-جاعارماي باعاسىنىڭ ٶسۋٸنە جول بەرمەۋ كەرەك. بۇل تۋرالى بٷگٸن ٷكٸمەت وتىرىسىندا قر ۇلتتىق بانك تٶراعاسى عالىمجان پٸرماتوۆ ايتتى, دەپ حابارلايدى قازاقپارات.
«ٷكٸمەت پەن ەكٸمدٸكتەردٸڭ 2022-2024 جىلدارعا ارنالعان ينفلياتسييانى باقىلاۋ جەنە تٶمەندەتۋ جٶنٸندەگٸ ٸس-شارالار كەشەنٸن تيٸمدٸ ٸسكە اسىرۋى, رەتتەلەتٸن تۇرعىن ٷي-كوممۋنالدىق شارۋاشىلىعى قىزمەتتەرٸنە, جانار-جاعارماي باعاسىنىڭ ٶسۋٸنە ەنگٸزٸلگەن موراتوريي جەنە تۇتىنۋشىلىق سۇرانىستىڭ شەكتەۋلٸ ديناميكاسى ينفلياتسيياعا تەجەۋشٸ ىقپال ەتەتٸن بولادى. موراتورييدٸ الىپ تاستاعاننان كەيٸن جانار-جاعارماي باعاسىنىڭ ٶسۋٸنە جول بەرمەۋ كەرەك. ول ٷشٸن شامادان تىس دەلدالدىقتى جويا وتىرىپ, نارىقتىق باعا بەلگٸلەۋگە جەنە نارىقتاردى تەڭگەرٸمدٸ دامىتۋعا جاعداي جاساۋ قاجەت», - دەدٸ ۇب تٶراعاسى.
سونداي-اق ونىڭ پايىمىنشا, ازىق-تٷلٸك پەن تىڭايتقىشتارعا ەلەمدٸك باعانىڭ ٶسۋٸ تاراپىنان ينفلياتسييا ٷشٸن تەۋەكەلدەردٸ بارىنشا ازايتقان جٶن. ول ٷشٸن ساۋدا ٸس-شارالارىن قابىلداۋ, لوگيستيكادان تۋىندايتىن پروبلەمالاردى جەدەل شەشۋ, تيٸمدٸ تاۋار ينتەرۆەنتسييالارى, قۇبىلمالىلىقتى رەتكە كەلتٸرۋدٸڭ نارىقتىق تەتٸكتەرٸن ەنگٸزۋ ۇسىنىلادى.
«وسى تۇرعىدا بٷگٸنگٸ وتىرىستىڭ كٷن تەرتٸبٸندە تۇرعان ورتا مەرزٸمدٸ كەزەڭدە ازىق-تٷلٸك قاۋٸپسٸزدٸگٸن قامتاماسىز ەتۋ جوسپارىن تيٸمدٸ ٸسكە اسىرعان جٶن. ازىق-تٷلٸك ينفلياتسيياسىن تۇراقتاندىرۋ ينفلياتسييانى تٶمەندەتۋدە ماڭىزدى بولىپ تابىلادى. ۇلتتىق بانك ەلەۋمەتتٸك ماڭىزى بار ازىق-تٷلٸك تاۋارلارى بويىنشا عانا ەمەس, ينفلياتسيياعا ەلەۋلٸ ٷلەس قوساتىن باسقا دا تاماق ٶنٸمدەرٸ بويىنشا جۇمىس جٷرگٸزٸلۋٸ تيٸس دەپ ەسەپتەيدٸ. باعانى تۇراقتاندىرۋ ٷشٸن ۇلتتىق بانك ٶز تاراپىنان بازالىق ستاۆكا بويىنشا الداعى شەشٸمدەردٸ بولجامدى جەنە ناقتى ينفلياتسييانى, ينفلياتسييالىق كٷتۋلەردٸ جەنە گەوساياسي جاعدايدىڭ دامۋى مەن وعان قارجى نارىقتارىنىڭ ىقپالىن ەسكەرە وتىرىپ قابىلدايتىن بولادى», - دەدٸ عالىمجان پٸرماتوۆ.
