Ishki ister ministrligi kelesi jyldan bastap mopedterdi tirkeýdi bastaidy. Bul týraly Ortalyq kommýnikatsiialar qyzmetiniń brifinginde QR IIM Ákimshilik politsiia komitetiniń tóraǵasy Qaisar Sultanbaev málimdedi.
Mopedterge memlekettik tirkeý nómirin berý týraly zańǵa 3 qazanda qol qoiylǵanymen, ol 4 sáýirde kúshine enedi.
Osylaisha, mopedter mehanikalyq kólik quraldaryna teńestiriledi. Olardyń jol erejesin buzý faktileri avtomatty túrde tirkeledi, sondai-aq jol qozǵalysyn kúndelikti qadaǵalaityn politsiia qyzmetkerlerimen anyqtalady.
"2025 jyldyń 1 qańtarynan bastap azamattar arnaiy halyqqa qyzmet kórsetý ortalyqtaryna júginip, mopedterin tirkei alady. Al moped júrgizýshileri buzýshylyqtary úshin nege 4 sáýirden bastap jaýapqa tartylady? Mundai ýaqyttyń berilý sebebi – jańa zań boiynsha moped júrgizýshilerinde A1 sanatyndaǵy júrgizýshi kýáligi bolýy kerek. Eger júrgizýshi kýáligi bolmasa, olarǵa oqý, kýálik alý, mopedterin tirkeý jáne memlekettik nómir alý úshin ýaqyt qajet", – dep túsindirdi Qaisar Sultanbaev.
Aita keteiik, biyl elimizde jol-kólik oqiǵalary saldarynan 2 myńnan astam adam qaza tapty.
