Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Qylmys

Móldir Muqanovaǵa 600 myń teńgege jýyq aiyppul salyndy

Ult portaly
Móldir Muqanovaǵa 600 myń teńgege jýyq aiyppul salyndy

Foto: videodan skrinshot

Mádeniet jáne sport ministrligi tanymal ázilkesh Tursynbek Qabatovtyń burynǵy jubaiy, bloger Móldir Muqanovany zańsyz onlain-utys oiyndaryn ótkizgender tizimine engizdi, dep habarlaidy Ult.kz.

Vedomstvonyń málimetinshe, Móldir Muqanova (Moldir.mt akkaýnty, 2,3 millionnan astam jazylýshy) Ákimshilik quqyqbuzýshylyq týraly kodekstiń 445-1-babynyń 6-bóligi boiynsha ákimshilik jaýapkershilikke tartylǵan. Ol qazan aiynda 589 800 teńge (150 AEK) kóleminde aiyppul tólegen.

Muqanova jalǵyz emes — buǵan deiin de birneshe media tulǵa uqsas sebeppen jaýapkershilikke tartylǵan:

  • bloger Darhan Jolshybek (3,1 mln jazylýshy) — 393 200 teńge (100 AEK);

  • akter Ramazan Amantai ("Mafiia", "Zamanback", "Biznes po-kazahski") — 393 200 teńge (100 AEK);

  • bloger Mereke Qalbaeva (merekusha.k) — 589 800 teńge (150 AEK);

  • Nurbek Nurtaza (justking31) — 1 179 600 teńge (300 AEK);

  • Áliia Baitýǵaeva (super.mamasita, 7 mln jazylýshy) — 825 720 teńge (210 AEK);

  • Amina Nurtaza (aminaxo26, 7 mln jazylýshy) — 825 720 teńge (210 AEK);

  • Qaisar Qamza (qais_arr, 2,4 mln jazylýshy) — 1 179 600 teńge (300 AEK);

  • Almasbek Batyr (almasbek_batyr, 1,8 mln jazylýshy) — 589 800 teńge (150 AEK).

Ministrliktiń dereginshe, biyldyń ózinde 90-ǵa jýyq quqyqbuzýshylyq tirkelip, salynǵan aiyppuldardyń jalpy somasy 40 million teńgeden asqan.

Qazaqstanda lotereia ótkizý quqyǵy tek litsenziiasy bar operatorlarǵa ǵana berilgen. Eger azamat ruqsatsyz osyndai utys uiymdastyrsa, oǵan 100 AEK kóleminde aiyppul salynady. Al jeke kásipkerler men zańdy tulǵalar úshin bul jaza 300 AEK-ke deiin ósedi.

Qumar oiyndar men lotereiany retteý komiteti resmi lotereia operatory — «Sátti juldyz» AQ ekenin atap ótti.

«Jeke tulǵalar men blogerlerdiń taýar ne qyzmet satýdy yntalandyrý maqsatynda utys uiymdastyrýǵa quqyǵy joq. Mundai sharalar lotereia qyzmeti retinde qaralyp, zań buzýshylyq bolyp sanalady», — dep habarlady komitet.

Komitettiń túsindirýinshe, eger aktsiia nemese utysqa qatysý sharty retinde azamat taýar ne qyzmet satyp alyp, bilet nemese kýpon ielense, ol stimýldyq lotereia belgisine ie bolady. Mundai jaǵdaida utys ótkizý tek ruqsat alǵan operatorlar úshin zańdy.

Eske salaiyq, Qazaqstanda qumar oiyndar men lotereia qyzmetine qatysty túzetýler kúshine endi.

Al tamyz aiynda blogerler Erbolat Janabylov pen Elmira Tolegenova avtokólik utysyn jariialap, keiin ony aqyly kýrsqa ainaldyrǵany úshin synǵa ushyrady.

Ministrlik eskertkenindei, utys oiyndary men bilet taratýmen tek resmi lotereia operatorlary men agentter ǵana ainalysa alady.

Sondai-aq, Májilis depýtaty Nartai Sársenǵaliev ministrge joldaǵan saýalynda prankter men moraldyq turǵydan qorlaityn utystardy shekteý qajettigin atap ótti.

Oqi otyryńyz