فوتو: ۆيدەودان سكرينشوت
مەدەنيەت جەنە سپورت مينيسترلٸگٸ تانىمال ەزٸلكەش تۇرسىنبەك قاباتوۆتىڭ بۇرىنعى جۇبايى, بلوگەر مٶلدٸر مۇقانوۆانى زاڭسىز ونلاين-ۇتىس ويىندارىن ٶتكٸزگەندەر تٸزٸمٸنە ەنگٸزدٸ, دەپ حابارلايدى Ult.kz.
ۆەدومستۆونىڭ مەلٸمەتٸنشە, مٶلدٸر مۇقانوۆا (Moldir.mt اككاۋنتى, 2,3 ميلليوننان استام جازىلۋشى) ەكٸمشٸلٸك قۇقىقبۇزۋشىلىق تۋرالى كودەكستٸڭ 445-1-بابىنىڭ 6-بٶلٸگٸ بويىنشا ەكٸمشٸلٸك جاۋاپكەرشٸلٸككە تارتىلعان. ول قازان ايىندا 589 800 تەڭگە (150 اەك) كٶلەمٸندە ايىپپۇل تٶلەگەن.
مۇقانوۆا جالعىز ەمەس — بۇعان دەيٸن دە بٸرنەشە مەديا تۇلعا ۇقساس سەبەپپەن جاۋاپكەرشٸلٸككە تارتىلعان:
-
بلوگەر دارحان جولشىبەك (3,1 ملن جازىلۋشى) — 393 200 تەڭگە (100 اەك);
-
اكتەر رامازان امانتاي ("مافييا", "زامانback", "بيزنەس پو-كازاحسكي") — 393 200 تەڭگە (100 اەك);
-
بلوگەر مەرەكە قالباەۆا (merekusha.k) — 589 800 تەڭگە (150 اەك);
-
نۇربەك نۇرتازا (justking31) — 1 179 600 تەڭگە (300 اەك);
-
ەلييا بايتۋعاەۆا (super.mamasita, 7 ملن جازىلۋشى) — 825 720 تەڭگە (210 اەك);
-
امينا نۇرتازا (aminaxo26, 7 ملن جازىلۋشى) — 825 720 تەڭگە (210 اەك);
-
قايسار قامزا (qais_arr, 2,4 ملن جازىلۋشى) — 1 179 600 تەڭگە (300 اەك);
-
الماسبەك باتىر (almasbek_batyr, 1,8 ملن جازىلۋشى) — 589 800 تەڭگە (150 اەك).
مينيسترلٸكتٸڭ دەرەگٸنشە, بيىلدىڭ ٶزٸندە 90-عا جۋىق قۇقىقبۇزۋشىلىق تٸركەلٸپ, سالىنعان ايىپپۇلداردىڭ جالپى سوماسى 40 ميلليون تەڭگەدەن اسقان.
قازاقستاندا لوتەرەيا ٶتكٸزۋ قۇقىعى تەك ليتسەنزيياسى بار وپەراتورلارعا عانا بەرٸلگەن. ەگەر ازامات رۇقساتسىز وسىنداي ۇتىس ۇيىمداستىرسا, وعان 100 اەك كٶلەمٸندە ايىپپۇل سالىنادى. ال جەكە كەسٸپكەرلەر مەن زاڭدى تۇلعالار ٷشٸن بۇل جازا 300 اەك-كە دەيٸن ٶسەدٸ.
قۇمار ويىندار مەن لوتەرەيانى رەتتەۋ كوميتەتٸ رەسمي لوتەرەيا وپەراتورى — «سەتتٸ جۇلدىز» اق ەكەنٸن اتاپ ٶتتٸ.
«جەكە تۇلعالار مەن بلوگەرلەردٸڭ تاۋار نە قىزمەت ساتۋدى ىنتالاندىرۋ ماقساتىندا ۇتىس ۇيىمداستىرۋعا قۇقىعى جوق. مۇنداي شارالار لوتەرەيا قىزمەتٸ رەتٸندە قارالىپ, زاڭ بۇزۋشىلىق بولىپ سانالادى», — دەپ حابارلادى كوميتەت.
كوميتەتتٸڭ تٷسٸندٸرۋٸنشە, ەگەر اكتسييا نەمەسە ۇتىسقا قاتىسۋ شارتى رەتٸندە ازامات تاۋار نە قىزمەت ساتىپ الىپ, بيلەت نەمەسە كۋپون يەلەنسە, ول ستيمۋلدىق لوتەرەيا بەلگٸسٸنە يە بولادى. مۇنداي جاعدايدا ۇتىس ٶتكٸزۋ تەك رۇقسات العان وپەراتورلار ٷشٸن زاڭدى.
ەسكە سالايىق, قازاقستاندا قۇمار ويىندار مەن لوتەرەيا قىزمەتٸنە قاتىستى تٷزەتۋلەر كٷشٸنە ەندٸ.
ال تامىز ايىندا بلوگەرلەر ەربولات جانابىلوۆ پەن ەلميرا تولەگەنوۆا اۆتوكٶلٸك ۇتىسىن جارييالاپ, كەيٸن ونى اقىلى كۋرسقا اينالدىرعانى ٷشٸن سىنعا ۇشىرادى.
مينيسترلٸك ەسكەرتكەنٸندەي, ۇتىس ويىندارى مەن بيلەت تاراتۋمەن تەك رەسمي لوتەرەيا وپەراتورلارى مەن اگەنتتەر عانا اينالىسا الادى.
سونداي-اق, مەجٸلٸس دەپۋتاتى نارتاي سەرسەنعاليەۆ مينيسترگە جولداعان ساۋالىندا پرانكتەر مەن مورالدىق تۇرعىدان قورلايتىن ۇتىستاردى شەكتەۋ قاجەتتٸگٸن اتاپ ٶتتٸ.
