Mobilizatsiiadan qashqan eki Resei azamaty AQSh-tyń Aliaska aralyna qonǵannan keiin eldiń resmi oryndarynan pana surady. Bul jóninde 6 qazanda Kongreske Aliaska shtatynan sailanǵan senator Liza Mýrkovski keńsesi habarlady.
Keńse ókili Karina Borgerdiń aitýynsha, olar eki reseiliktiń máselesine qatysty AQSh jaǵalaý kúzeti men keden jáne shekara qyzmetimen (CBP) habar almasyp otyr. Aqparatqa qaraǵanda, eki reseilik Ýkrainadaǵy soǵysqa barmas úshin Reseidiń shyǵysyndaǵy eldi mekenderdiń birinen qashyp shyqqan.
Mýrkovski Reseimen qarym-qatynastyń ýshyqqanyn eskere otyryp, ishki qaýipsizdik departamentiniń hatshysyna habarlasqanyn, máseleni alǵash 4 qazanda talqylaǵanyn aitady. Qazir AQSh jaǵalaý kúzeti men keden jáne shekara qyzmeti "atalǵan azamattardy AQSh-qa kirgizý-kirgizbeý máselesin qarap jatyr".
Eki Resei azamaty Aliaskanyń ońtústik-batysynda Nom qalasynan shamamen 320 shaqyrym jerdegi oqshaýlanǵan áýlie Lavrentiia aralyndaǵy Gambell qalasyna kelgen. Bul aýmaq Reseidiń Chýkotka túbeginen nebári 60 shaqyrym jerde jatyr.
