موبيليزاتسييادان قاشقان ەكٸ رەسەي ازاماتى اقش-تىڭ الياسكا ارالىنا قونعاننان كەيٸن ەلدٸڭ رەسمي ورىندارىنان پانا سۇرادى. بۇل جٶنٸندە 6 قازاندا كونگرەسكە الياسكا شتاتىنان سايلانعان سەناتور ليزا مۋركوۆسكي كەڭسەسٸ حابارلادى.
كەڭسە ٶكٸلٸ كارينا بورگەردٸڭ ايتۋىنشا, ولار ەكٸ رەسەيلٸكتٸڭ مەسەلەسٸنە قاتىستى اقش جاعالاۋ كٷزەتٸ مەن كەدەن جەنە شەكارا قىزمەتٸمەن (CBP) حابار الماسىپ وتىر. اقپاراتقا قاراعاندا, ەكٸ رەسەيلٸك ۋكرايناداعى سوعىسقا بارماس ٷشٸن رەسەيدٸڭ شىعىسىنداعى ەلدٸ مەكەندەردٸڭ بٸرٸنەن قاشىپ شىققان.
مۋركوۆسكي رەسەيمەن قارىم-قاتىناستىڭ ۋشىققانىن ەسكەرە وتىرىپ, ٸشكٸ قاۋٸپسٸزدٸك دەپارتامەنتٸنٸڭ حاتشىسىنا حابارلاسقانىن, مەسەلەنٸ العاش 4 قازاندا تالقىلاعانىن ايتادى. قازٸر اقش جاعالاۋ كٷزەتٸ مەن كەدەن جەنە شەكارا قىزمەتٸ "اتالعان ازاماتتاردى اقش-قا كٸرگٸزۋ-كٸرگٸزبەۋ مەسەلەسٸن قاراپ جاتىر".
ەكٸ رەسەي ازاماتى الياسكانىڭ وڭتٷستٸك-باتىسىندا نوم قالاسىنان شامامەن 320 شاقىرىم جەردەگٸ وقشاۋلانعان ەۋليە لاۆرەنتييا ارالىنداعى گامبەلل قالاسىنا كەلگەن. بۇل اۋماق رەسەيدٸڭ چۋكوتكا تٷبەگٸنەن نەبەرٸ 60 شاقىرىم جەردە جاتىر.
