Tatarstan prezidenti Rýstam Minnihanov Qazan qalasyndaǵy mektepte bolǵan tótenshe jaǵdaiǵa qatysty málimdeme jasady, - dep habarlaidy RIA Novosti.
Ol jeti 8 synyp oqýshysy atys saldarynan qaza tapqanyn jáne taǵy 16 adam aýrýhanaǵa jatqyzylǵanyn rastady.
Keiin Tatarstan basshysynyń baspasóz qyzmeti ókilderi jeti oqýshydan basqa bir muǵalim men bir qyzmetker qaitys bolǵanyn málimdedi. Sondai-aq, 20-dan asa adamnyń zardap shekkeni týraly málimet bar.
Minnihanovtyń aitýynsha, Qazan mektebinde atys shaǵarǵan adamnyń biri - 19 jasta.
"Terrorist qamaýǵa alyndy. 19 jasta. Oǵan resmi túrde qarý tirkelgen", - dedi Minnihanov.
Al ekinshi kúdiktini arnaiy operatsiia kezinde atyp tastaǵan.
Respýblika basshysy mektepke, sondai-aq qaza tapqandar men zardap shekkenderdiń otbasylaryna kómek kórsetiletinin aitty.
Sońǵy derekter boiynsha, atys saldarynan 9 adam qaza tapqan. Qazirgi ýaqytta aqparat tolyq rastalmaǵan.
Aita keteiik, buǵan deiin Tatarstan astanasynda belgisiz bireýler Faizi kóshesindegi № 175 gimnaziiada atys shyǵarǵany habarlanǵan edi. Keiin kýágerler túsirgen sýretter men video jelide jariialandy.
