ميننيحانوۆ مەكتەپتەگٸ اتىسقا قاتىستى مەلٸمدەمە جاسادى

كەيٸن تاتارستان باسشىسىنىڭ باسپاسٶز قىزمەتٸ ٶكٸلدەرٸ جەتٸ وقۋشىدان باسقا بٸر مۇعالٸم مەن بٸر قىزمەتكەر قايتىس بولعانىن مەلٸمدەدٸ. سونداي-اق, 20-دان اسا ادامنىڭ زارداپ شەككەنٸ تۋرالى مەلٸمەت بار.

ميننيحانوۆتىڭ ايتۋىنشا, قازان مەكتەبٸندە اتىس شاعارعان ادامنىڭ بٸرٸ - 19 جاستا. 

"تەرروريست قاماۋعا الىندى. 19 جاستا. وعان رەسمي تٷردە قارۋ تٸركەلگەن", - دەدٸ ميننيحانوۆ.

ال ەكٸنشٸ كٷدٸكتٸنٸ ارنايى وپەراتسييا كەزٸندە اتىپ تاستاعان. 

رەسپۋبليكا باسشىسى مەكتەپكە, سونداي-اق قازا تاپقاندار مەن زارداپ شەككەندەردٸڭ وتباسىلارىنا كٶمەك كٶرسەتٸلەتٸنٸن ايتتى.

سوڭعى دەرەكتەر بويىنشا, اتىس سالدارىنان 9 ادام قازا تاپقان. قازٸرگٸ ۋاقىتتا اقپارات تولىق راستالماعان.

ايتا كەتەيٸك, بۇعان دەيٸن تاتارستان استاناسىندا بەلگٸسٸز بٸرەۋلەر فايزي كٶشەسٸندەگٸ № 175 گيمنازييادا اتىس شىعارعانى حابارلانعان ەدٸ. كەيٸن كۋەگەرلەر تٷسٸرگەن سۋرەتتەر مەن ۆيدەو جەلٸدە جارييالاندى.