Ekologiia, geologiia jáne tabiǵi resýrstar ministrliginiń baspasóz qyzmeti birneshe BAQ-ta ýtlizatsiialyq almy mólsheriniń artatyny týraly jariialanǵan materialdarǵa túsinikteme berdi, dep habarlaidy QazAqparat.
«Osy aqparatqa qatysty kelesini habarlaimyz. 31 qańtarda kádege jaratý alymyn qaita qaraý jónindegi jumys tobynyń 5-shi otyrysy ótti. Bul otyrysta qaptamany, elektrondy ári elektr jabdyqtaryn jáne avtomobil komponentterin qaita óńdeý stavkalaryna qatysty máseleler qaraldy», - delingen túsindirmede.
Vedomstvo ókilderiniń aitýynsha, atalǵan otyrysta qaita óńdeýshiler ÓKM operatorynan qaldyq tasymaldaýshylarǵa qaraǵanda az qarajat alatyndaryna narazylyq bildirgen. Ministr Serikqali Brekeshev solardyń ýájine jaýap retinde qaita óńdeýshilerdi yntalandyrý mólsherin ózgertý týraly máseleni qaraýǵa daiyn ekenin bildirgen.
«Talqylaý barysynda ministr S.Brekeshev qaita óńdeýshilerdiń qaita óńdeýdi yntalandyrý mólsherin ózgertý jónindegi usynysyn qaraýǵa ázirligin bildirdi. Búginde qaptamany kádege jaratý tóleminiń stavkalarynyń koeffitsientteri tómen jáne qaldyqtardy jinaýǵa, tasymaldaýǵa jáne qaita óńdeýge arnalǵan shyǵyndardy ótemeidi», - dep jazady ministrliktiń baspasóz qyzmeti.
