ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ باسپاسٶز قىزمەتٸ بٸرنەشە باق-تا ۋتليزاتسييالىق المى مٶلشەرٸنٸڭ ارتاتىنى تۋرالى جارييالانعان ماتەريالدارعا تٷسٸنٸكتەمە بەردٸ, دەپ حابارلايدى قازاقپارات.
«وسى اقپاراتقا قاتىستى كەلەسٸنٸ حابارلايمىز. 31 قاڭتاردا كەدەگە جاراتۋ الىمىن قايتا قاراۋ جٶنٸندەگٸ جۇمىس توبىنىڭ 5-شٸ وتىرىسى ٶتتٸ. بۇل وتىرىستا قاپتامانى, ەلەكتروندى ەرٸ ەلەكتر جابدىقتارىن جەنە اۆتوموبيل كومپونەنتتەرٸن قايتا ٶڭدەۋ ستاۆكالارىنا قاتىستى مەسەلەلەر قارالدى», - دەلٸنگەن تٷسٸندٸرمەدە.
ۆەدومستۆو ٶكٸلدەرٸنٸڭ ايتۋىنشا, اتالعان وتىرىستا قايتا ٶڭدەۋشٸلەر ٶكم وپەراتورىنان قالدىق تاسىمالداۋشىلارعا قاراعاندا از قاراجات الاتىندارىنا نارازىلىق بٸلدٸرگەن. مينيستر سەرٸكقالي برەكەشەۆ سولاردىڭ ۋەجٸنە جاۋاپ رەتٸندە قايتا ٶڭدەۋشٸلەردٸ ىنتالاندىرۋ مٶلشەرٸن ٶزگەرتۋ تۋرالى مەسەلەنٸ قاراۋعا دايىن ەكەنٸن بٸلدٸرگەن.
«تالقىلاۋ بارىسىندا مينيستر س.برەكەشەۆ قايتا ٶڭدەۋشٸلەردٸڭ قايتا ٶڭدەۋدٸ ىنتالاندىرۋ مٶلشەرٸن ٶزگەرتۋ جٶنٸندەگٸ ۇسىنىسىن قاراۋعا ەزٸرلٸگٸن بٸلدٸردٸ. بٷگٸندە قاپتامانى كەدەگە جاراتۋ تٶلەمٸنٸڭ ستاۆكالارىنىڭ كوەففيتسيەنتتەرٸ تٶمەن جەنە قالدىقتاردى جيناۋعا, تاسىمالداۋعا جەنە قايتا ٶڭدەۋگە ارنالعان شىعىنداردى ٶتەمەيدٸ», - دەپ جازادى مينيسترلٸكتٸڭ باسپاسٶز قىزمەتٸ.
