QR Ekologiia, geologiia jáne tabiǵi resýrstar ministrligi men «Qoǵamdyq baqylaý jáne monitoring» respýblikalyq qoǵamdyq birlestigi ekologiia, ósimdikter men janýarlar dúniesin qorǵaý salasynda uzaq merzimdi áriptestik ornatý týraly Memorandýmǵa qol qoidy, dep habarlaidy "Ult aqparat".
Qoǵamdyq uiymdarmen tyǵyz bailanys «Halyq únine qulaq asatyn memleket» tujyrymdamasy negizinde júzege asyp otyr.
Kelisim aiasynda taraptar ártúrli tabiǵat qorǵaý aktsiialaryna jurtshylyqty tartyp, halyqtyń ekologiialyq mádenietin arttyrý boiynsha jumystar atqarady. Ekologiia, ósimdikter men janýarlar dúniesin qorǵaý salasyndaǵy quqyq buzýshylyqtardyń aldyn alýdyń birlesken is-sharalaryn júrgizedi.
Memorandýmǵa qol qoiý aiasynda uiym tóraiymy Saida Taýkeleva el arasyndaǵy ekologiiaǵa qatysty rezonansty problemalar jaiynda ministrlikti habardar etip, birge sheshimin tabýǵa atsalysýǵa daiyn ekenin jetkizdi. Almaty qalasy aýasynyń lastanýy, jylý elektr stantsiialaryn gazǵa kóshirýdiń tiimdiligin jurtshylyqqa túsindirý, Aqtóbe oblysy Bestamaq aýylyndaǵy shoshqa fermasyna halyqtyń narazylyǵy siiaqty ótkir turǵan máselelerdi atap ótti.
Ministr Maǵzum Myrzaǵaliev uiym ókilderiniń azamattyq pozitsiiasy úshin alǵys bildirip, halyq pen Úkimet arasynda kópir bolatyn birlestikpen tyǵyz qarym-qatynasta jumys isteýge daiyn ekenin aitty.
