قر ەكولوگييا, گەولوگييا جەنە تابيعي رەسۋرستار مينيسترلٸگٸ مەن «قوعامدىق باقىلاۋ جەنە مونيتورينگ» رەسپۋبليكالىق قوعامدىق بٸرلەستٸگٸ ەكولوگييا, ٶسٸمدٸكتەر مەن جانۋارلار دٷنيەسٸن قورعاۋ سالاسىندا ۇزاق مەرزٸمدٸ ەرٸپتەستٸك ورناتۋ تۋرالى مەموراندۋمعا قول قويدى, دەپ حابارلايدى "ۇلت اقپارات".
قوعامدىق ۇيىمدارمەن تىعىز بايلانىس «حالىق ٷنٸنە قۇلاق اساتىن مەملەكەت» تۇجىرىمداماسى نەگٸزٸندە جٷزەگە اسىپ وتىر.
كەلٸسٸم اياسىندا تاراپتار ەرتٷرلٸ تابيعات قورعاۋ اكتسييالارىنا جۇرتشىلىقتى تارتىپ, حالىقتىڭ ەكولوگييالىق مەدەنيەتٸن ارتتىرۋ بويىنشا جۇمىستار اتقارادى. ەكولوگييا, ٶسٸمدٸكتەر مەن جانۋارلار دٷنيەسٸن قورعاۋ سالاسىنداعى قۇقىق بۇزۋشىلىقتاردىڭ الدىن الۋدىڭ بٸرلەسكەن ٸس-شارالارىن جٷرگٸزەدٸ.
مەموراندۋمعا قول قويۋ اياسىندا ۇيىم تٶرايىمى سايدا تاۋكەلەۆا ەل اراسىنداعى ەكولوگيياعا قاتىستى رەزونانستى پروبلەمالار جايىندا مينيسترلٸكتٸ حاباردار ەتٸپ, بٸرگە شەشٸمٸن تابۋعا اتسالىسۋعا دايىن ەكەنٸن جەتكٸزدٸ. الماتى قالاسى اۋاسىنىڭ لاستانۋى, جىلۋ ەلەكتر ستانتسييالارىن گازعا كٶشٸرۋدٸڭ تيٸمدٸلٸگٸن جۇرتشىلىققا تٷسٸندٸرۋ, اقتٶبە وبلىسى بەستاماق اۋىلىنداعى شوشقا فەرماسىنا حالىقتىڭ نارازىلىعى سيياقتى ٶتكٸر تۇرعان مەسەلەلەردٸ اتاپ ٶتتٸ.
مينيستر ماعزۇم مىرزاعاليەۆ ۇيىم ٶكٸلدەرٸنٸڭ ازاماتتىق پوزيتسيياسى ٷشٸن العىس بٸلدٸرٸپ, حالىق پەن ٷكٸمەت اراسىندا كٶپٸر بولاتىن بٸرلەستٸكپەن تىعىز قارىم-قاتىناستا جۇمىس ٸستەۋگە دايىن ەكەنٸن ايتتى.
