Qazaqstannyń Syrtqy ister ministri Beibit Atamqulov Venesýela prezidenti Nikolas Madýronyń aqshasy Nurlan Baidildániń qorynda saqtaýly degen aqparatqa qatysty túsinikteme berdi, dep habarlaidy Sputnik Qazaqstan tilshisi.
Aita ketsek, buǵan deiin Bloomberg agenttigi Venesýela prezidenti Nikolas Madýronyń elden urlaǵan aqshasy Nurlan Baidilda Ltd qorynda saqtalǵanyn habarlaǵan edi.
Nurlan Baidildániń ózi BAQ betinde taraǵan aqparatty joqqa shyǵarmady. Ony saiasat qyzyqtyrmaitynyn, eń bastysy biznes ekenin jetkizdi.
"Bul aqparat múmkin jalǵan shyǵar, biz bul týraly múlde bilmeimiz. Ony tipti tekserý de múmkin emes. Ol jigit kim ózi, qaidan shyqqan?!", - dedi Atamqulov májilis kýlýarynda.
Al ministrdiń orynbasary Erjan Ashyqbaev Nurlan Baidildániń Resei azamaty ekenin atap ótti.
"BAQ-ta shyqqan aqparat boiynsha aty qazaq bolǵanymen, azamattyǵy – Resei. Bloomberg agenttiginiń aqparaty qanshalyqty shyndyq, qanshalyqty jalǵan ekenin naqty aitý qiyn", - dedi ol.
