قازاقستاننىڭ سىرتقى ٸستەر مينيسترٸ بەيبٸت اتامقۇلوۆ ۆەنەسۋەلا پرەزيدەنتٸ نيكولاس مادۋرونىڭ اقشاسى نۇرلان بايدٸلدەنٸڭ قورىندا ساقتاۋلى دەگەن اقپاراتقا قاتىستى تٷسٸنٸكتەمە بەردٸ, دەپ حابارلايدى Sputnik قازاقستان تٸلشٸسٸ.
ايتا كەتسەك, بۇعان دەيٸن Bloomberg اگەنتتٸگٸ ۆەنەسۋەلا پرەزيدەنتٸ نيكولاس مادۋرونىڭ ەلدەن ۇرلاعان اقشاسى Nurlan Baidilda Ltd قورىندا ساقتالعانىن حابارلاعان ەدٸ.
نۇرلان بايدٸلدەنٸڭ ٶزٸ باق بەتٸندە تاراعان اقپاراتتى جوققا شىعارمادى. ونى ساياسات قىزىقتىرمايتىنىن, ەڭ باستىسى بيزنەس ەكەنٸن جەتكٸزدٸ.
"بۇل اقپارات مٷمكٸن جالعان شىعار, بٸز بۇل تۋرالى مٷلدە بٸلمەيمٸز. ونى تٸپتٸ تەكسەرۋ دە مٷمكٸن ەمەس. ول جٸگٸت كٸم ٶزٸ, قايدان شىققان?!", - دەدٸ اتامقۇلوۆ مەجٸلٸس كۋلۋارىندا.
ال مينيستردٸڭ ورىنباسارى ەرجان اشىقباەۆ نۇرلان بايدٸلدەنٸڭ رەسەي ازاماتى ەكەنٸن اتاپ ٶتتٸ.
"باق-تا شىققان اقپارات بويىنشا اتى قازاق بولعانىمەن, ازاماتتىعى – رەسەي. Bloomberg اگەنتتٸگٸنٸڭ اقپاراتى قانشالىقتى شىندىق, قانشالىقتى جالعان ەكەنٸن ناقتى ايتۋ قيىن", - دەدٸ ول.
