Indýstriia jáne infraqurylymdyq damý ministrligi Qazaqstan Reseige sanktsiialardy ainalyp ótýge kómektesip jatyr degen aqparatqa qatysty jaýap berdi, - dep habarlaidy Tengrinews.kz agenttigi.
Ýkraina barlaý qyzmetiniń ókili Vadim Skibitskii La Repubblica basylymyna bergen suhbatynda Qazaqstan Reseige sanktsiialardy ainalyp ótýge kómektesip jatqanyn aitty.
"Qazaqstan men Ózbekstan siiaqty elder Reseige zymyrandar jasaýǵa qajetti amerikalyq jáne japoniialyq azamattyq komponentterdi satý arqyly sanktsiialardy ainalyp ótýge kómektesip jatyr", - dep keltirdi Skibitskiidiń sózin BAQ.
Qazaqstannyń Indýstriia jáne infraqurylymdyq damý ministrligi Tengrinews.kz tilshisi saýalyna jaýap berip, bul aqparatty joqqa shyǵardy.
"Reseige zymyran jasaý úshin qajetti amerikalyq jáne japoniialyq komponentterdi satý týraly aqparat shyndyqqa sáikes kelmeidi.
Bul rette, Qazaqstan Úkimeti 2023 jyldyń 23 tamyzyna deiin áskeri/qos maqsattaǵy ónimder eksporty/reeksportyna tyiym salý týraly sheshim qabyldaǵanyn aita ketý kerek", - dedi vedomstvo ókilderi.
