يندۋسترييا جەنە ينفراقۇرىلىمدىق دامۋ مينيسترلٸگٸ قازاقستان رەسەيگە سانكتسييالاردى اينالىپ ٶتۋگە كٶمەكتەسٸپ جاتىر دەگەن اقپاراتقا قاتىستى جاۋاپ بەردٸ, - دەپ حابارلايدى Tengrinews.kz اگەنتتٸگٸ.
ۋكراينا بارلاۋ قىزمەتٸنٸڭ ٶكٸلٸ ۆاديم سكيبيتسكيي La Repubblica باسىلىمىنا بەرگەن سۇحباتىندا قازاقستان رەسەيگە سانكتسييالاردى اينالىپ ٶتۋگە كٶمەكتەسٸپ جاتقانىن ايتتى.
"قازاقستان مەن ٶزبەكستان سيياقتى ەلدەر رەسەيگە زىمىراندار جاساۋعا قاجەتتٸ امەريكالىق جەنە جاپونييالىق ازاماتتىق كومپونەنتتەردٸ ساتۋ ارقىلى سانكتسييالاردى اينالىپ ٶتۋگە كٶمەكتەسٸپ جاتىر", - دەپ كەلتٸردٸ سكيبيتسكييدٸڭ سٶزٸن باق.
قازاقستاننىڭ يندۋسترييا جەنە ينفراقۇرىلىمدىق دامۋ مينيسترلٸگٸ Tengrinews.kz تٸلشٸسٸ ساۋالىنا جاۋاپ بەرٸپ, بۇل اقپاراتتى جوققا شىعاردى.
"رەسەيگە زىمىران جاساۋ ٷشٸن قاجەتتٸ امەريكالىق جەنە جاپونييالىق كومپونەنتتەردٸ ساتۋ تۋرالى اقپارات شىندىققا سەيكەس كەلمەيدٸ.
بۇل رەتتە, قازاقستان ٷكٸمەتٸ 2023 جىلدىڭ 23 تامىزىنا دەيٸن ەسكەري/قوس ماقساتتاعى ٶنٸمدەر ەكسپورتى/رەەكسپورتىنا تىيىم سالۋ تۋرالى شەشٸم قابىلداعانىن ايتا كەتۋ كەرەك", - دەدٸ ۆەدومستۆو ٶكٸلدەرٸ.
