Oqý baǵdarlamalaryn ázirleýshi muǵalimder birinshi synyptarǵa arnalǵan oqýlyqtardaǵy "kúrdeli" jattyǵýlardy túsindirdi, - dep habarlaidy "Ult aqparat" QR Bilim jáne ǵylym ministrliginiń ókilderine silteme jasap. Munyń aldynda Almaty turǵyny bastaýysh synyptaryna arnalǵan oqýlyqtardyń mazmunyna shaǵymdanyp, vedomstvoǵa videojoldaý jasaǵan edi.
Mnistrliktiń resmi paraqshasyndaǵy jazbany qaz-qalpynda usynamyz:
Balasy 1-synypta oqityn Saltanat Tajieva (Saltanat Tazhieva) beinejazba arqyly (https://www.facebook.com/saltanat.tazhieva/videos/vb.100003100715937/1151829978263682/?type=2&theater) daiarlyq tobyna arnalǵan «Qorshaǵan ortamen tanystyrý, ekologiia negizderi» oqýlyǵy men 1-synyp oqýshylaryna arnalǵan «Jaratylystaný» oqý quralynyń mazmunyna qatysty syn-eskertpelerin joldaǵan eken. Osyǵan orai oqýlyq avtorlary Bilim jáne ǵylym ministri Erlan Saǵadievtiń tapsyrýymen resmi jaýap daiyndady.
Eń aldymen, mektep oqýshysy men bastaýysh synyptardyń oqý baǵdarlamasyna barynsha muqiiat qaraǵan Saltanat hanymǵa alǵysymyzdy bildirgimiz keledi. Al beinejazbadaǵy saýaldarǵa bastaýysh synyp muǵalimi jáne oqý baǵdarlamasyn jasaýshy Baitenova Qalamqas Qadyrbekqyzy jaýap beredi.
Qalamqas Qadyrbekqyzynyń aitýynsha, búgingi tańda balalardy oqý men jazýǵa ǵana emes, sonymen qatar mektepte alǵan teoriialyq bilimin is júzinde paidalana bilýge de úiretý asa mańyzdy. Jańa oqýlyqtardyń kózdegen maqsaty da osy. Máselen, «Jaratylystaný» páninde himiia, fizika, biologiia siiaqty kúrdeli pánderdiń materialdary beriledi. Jaratylystaný baǵytyndaǵy jańa oqýlyqta osy materialdardyń barlyǵy balalarǵa túsinikti jáne qarapaiym tilmen baiandalǵan. Ol úshin oqýlyqty daiarlaý isine bastaýysh synyptarǵa sabaq berip júrgen tájiribeli muǵalimder qatystyrylǵan.
Máselen, Qalamqas Qadyrbekqyzynyń aitýynsha, Saltanat Tájievanyń beinejazbasyndaǵy «traektoriia» uǵymynyń maǵynasyn kishkentai balalarǵa túsindirýdiń túk te qiyndyǵy joq. Muǵalim sabaqty bastamai turyp balalardan «traektoriia» degenniń ne ekenin suraidy. Sodan keiin pedagog balalarmen birge eksperiment jasaidy: ishi toltyrylǵan (un nemese qurǵaq qurylys qospasy salynǵan) tabaqshaǵa uqsaityn taqtadan ermeksazdan jasalǵan dóńgelek pen oiynshyq kólik qatar jiberedi. Osydan keiin balalardan taqtada ne qalǵanyn suraidy. Balalar, álbette, jazyqtyqta kóliktiń de, dóńgelektiń de izi qalǵanyn aitady. Balalarǵa osy izderdiń zattyń qozǵalysy kezindegi traektoriia ekenin túsindirý – muǵalimniń mindeti. Sondai-aq, eksperiment arqyly balalarmen birge kólbeý jazyqtyqta eki kóliktiń qaisysy uzaqqa baratynyn bilýge bolady (Qalamqas Qadyrbekqyzy muny oqýlyqtyń kómegimen kórsetedi). Sonymen birge, onyń nege bailanysty ekenin de túsindiredi (kóliktiń salmaǵy, kólemi, taǵy basqa erekshelikteri).
Osylaisha, bastaýysh synyptyń balalary kúrdeli de qyzyqty túsiniktermen tanys bolyp, joǵarǵy synyptarǵa daiynpen jetedi. Bul balalardyń kishkentai kezinen asa mańyzdy ǵylymdardyń terminderin jáne erekshelikterin bilýine de jol ashady.
Saltanat hanym balalardyń portfoliosy da muǵalimderdiń kóp ýaqytyn alady degen pikirde. Alaida, portfolio kerek jáne onyń bolýy bala úshin mańyzdy. Olardy paraqtai otyryp, ata-ana balalarynyń jańa oqý baǵdarlamasyn qanshalyqty igerip jatqanyn, jetistikterin qadaǵalap otyrady.
Barlyq oqýlyqtar men jumys dápterleriniń salmaǵy jeńil jáne búgingi tehnikalyq, gigienalyq talaptarǵa tolyǵymen sai keledi. Sondyqtan da aptasyna 5 kúndik sabaqtaryna aparatyn oqýlyqtardyń ózi de balaǵa eshqandai aýyrlyq ta, qiyndyq ta týdyrmaidy.
Qalamqas Qadyrbekqyzy barsha bastaýysh synyp muǵalimderi men bilim berý salasynyń qyzmetkerleri atynan oqý protsesine bei-jai qaramaityn, jiti qadaǵalap otyratyn ata-analarǵa alǵys bildiredi. Oqýshylardyń zamanyna sai sapaly bilim alyp, HHI ǵasyrdyń talaptaryna sai kelýi úshin bala, ata-ana jáne ustaz ózara birlikte áreket etýi kerek. Sonda ǵana oidaǵydai nátijege jetýge bolady.
.jpeg)