Aýyl sharýashylyǵy ministri Saparhan Omarov Atyraý oblysyndaǵy Jaiyq ózeninde balyqtyń jappai qyrylý faktisine qatysty túsinikteme berdi, dep habarlaidy Sputnik Qazaqstan tilshisi.
Ministrdiń aitýynsha, qazir aldyn ala baǵalaý boiynsha úsh tonnadai óli balyq sý betine qalqyp shyqqan.
"Bul jeltoqsan aiynda qyrylǵan balyqtar. Sol kezde ýlanǵan balyqtar qazir sý betine qalqyp shyqty. Qazir balyq qyrylyp jatqan joq", - dedi Omarov úkimet kýlýarynda.
Vedomstvo basshysy balyqtardyń jappai qyrylý sebebin arnaiy qurylǵan komissiia anyqtap jatqanyn aitty.
"Komissiianyń aýyl sharýashylyǵy ministrligine qatysy joq. Balyqtardyń qyrylýyna ne sebep bolǵanyn komissiia aitady, biz sizderge jetkizemiz", - dedi ministr.
Omarov kináliler komissiia jumysynyń nátijeleri boiynsha anyqtalatynyn atap ótti.
Aita ketsek, buǵan deiin Jaiyq ózeninde myń tonnadan asa óli balyq jinalǵany habarlanǵan edi.
