اۋىل شارۋاشىلىعى مينيسترٸ ساپارحان وماروۆ اتىراۋ وبلىسىنداعى جايىق ٶزەنٸندە بالىقتىڭ جاپپاي قىرىلۋ فاكتٸسٸنە قاتىستى تٷسٸنٸكتەمە بەردٸ, دەپ حابارلايدى Sputnik قازاقستان تٸلشٸسٸ.
مينيستردٸڭ ايتۋىنشا, قازٸر الدىن الا باعالاۋ بويىنشا ٷش تونناداي ٶلٸ بالىق سۋ بەتٸنە قالقىپ شىققان.
"بۇل جەلتوقسان ايىندا قىرىلعان بالىقتار. سول كەزدە ۋلانعان بالىقتار قازٸر سۋ بەتٸنە قالقىپ شىقتى. قازٸر بالىق قىرىلىپ جاتقان جوق", - دەدٸ وماروۆ ٷكٸمەت كۋلۋارىندا.
ۆەدومستۆو باسشىسى بالىقتاردىڭ جاپپاي قىرىلۋ سەبەبٸن ارنايى قۇرىلعان كوميسسييا انىقتاپ جاتقانىن ايتتى.
"كوميسسييانىڭ اۋىل شارۋاشىلىعى مينيسترلٸگٸنە قاتىسى جوق. بالىقتاردىڭ قىرىلۋىنا نە سەبەپ بولعانىن كوميسسييا ايتادى, بٸز سٸزدەرگە جەتكٸزەمٸز", - دەدٸ مينيستر.
وماروۆ كٸنەلٸلەر كوميسسييا جۇمىسىنىڭ نەتيجەلەرٸ بويىنشا انىقتالاتىنىن اتاپ ٶتتٸ.
ايتا كەتسەك, بۇعان دەيٸن جايىق ٶزەنٸندە مىڭ توننادان اسا ٶلٸ بالىق جينالعانى حابارلانعان ەدٸ.
