Foto: primeminister.kz
Qarjy ministri Erulan Jamaýbaev qazaqstandyqtardyń zeinetaqy jinaǵyn merziminen buryn alýy jaqsylyqqa aparmaǵanyn aitty, - dep habarlaidy Tengrinews.kz.
"Saldarynan biz úlken suranys jasap jiberdik. Turǵyn úi baǵasy kóterildi. Tek baspanaǵa ǵana emes. Jalpy infliatsiia ósti. BJZQ ne úshin quryldy? Halyq aqshasyn kóbirek jinasyn dedik. Birte-birte yntymaqtastyq zeinetaqysy joiylýy kerek edi. Kóbi bolashaqta zeinetaqysyn BJZQ-dan alǵanyn qaladyq. Qazir limitti qaita qaradyq. Halyqtyń aqshasy az qaldy. Esepteýler osy qarajatty jetkilikti dep kórsetip otyr", - dedi Jamaýbaev.
Ministrdiń aitýynsha, BJZQ bir ýaqytta halyq kóp jinaqtap, bolashaqta osy qordan zeinetaqy alýy úshin qurylǵan.
"Áskeri qyzmetkerlerge qatysty osyndai saiasi sheshim qabyldanǵandyqtan Eńbek ministrliginde esep bar. Bul sonshalyqty apatty soma emes, biraq men BJZQ-da turaqty qarajat bolǵanyn qalaimyn. Birinshiden, bul – bizdiń bolashaǵymyz, barlyq zeinetkerlerdiń bolashaǵy, ishinde meniń de qarajatym bar", - dedi ol.
Ministr óziniń zeinetaqy jinaǵyn merziminen buryn almaǵanyn aitty.
"Men bir tiyn da shyǵarǵan joqpyn. Óitkeni ol meniń zeinetaqym ekenin jaqsy túsinemin. Ekinshiden bolashaqta qaida jumys isteitinimdi bilmeimin. Bul jinaqty kúndelikti qajettilikke jumsaǵym kelmeidi, bolashaqqa qaldyrǵym keledi. Qazaqstandyqtardyń barlyǵy osylai isteidi dep úmittenemin. Ekinshi jaǵynan, zeinetaqy qoryndaǵy aqsha – bolashaqta investitsiialyq jobalar úshin úlken resýrs. Muny da túsiný kerek. Bul – bizdiń artyqshylyǵymyz. Basqa kóptegen elderde mundai joq", - dedi Erulan Jamaýbaev.
