فوتو: primeminister.kz
قارجى مينيسترٸ ەرۇلان جاماۋباەۆ قازاقستاندىقتاردىڭ زەينەتاقى جيناعىن مەرزٸمٸنەن بۇرىن الۋى جاقسىلىققا اپارماعانىن ايتتى, - دەپ حابارلايدى Tengrinews.kz.
"سالدارىنان بٸز ٷلكەن سۇرانىس جاساپ جٸبەردٸك. تۇرعىن ٷي باعاسى كٶتەرٸلدٸ. تەك باسپاناعا عانا ەمەس. جالپى ينفلياتسييا ٶستٸ. بجزق نە ٷشٸن قۇرىلدى? حالىق اقشاسىن كٶبٸرەك جيناسىن دەدٸك. بٸرتە-بٸرتە ىنتىماقتاستىق زەينەتاقىسى جويىلۋى كەرەك ەدٸ. كٶبٸ بولاشاقتا زەينەتاقىسىن بجزق-دان العانىن قالادىق. قازٸر ليميتتٸ قايتا قارادىق. حالىقتىڭ اقشاسى از قالدى. ەسەپتەۋلەر وسى قاراجاتتى جەتكٸلٸكتٸ دەپ كٶرسەتٸپ وتىر", - دەدٸ جاماۋباەۆ.
مينيستردٸڭ ايتۋىنشا, بجزق بٸر ۋاقىتتا حالىق كٶپ جيناقتاپ, بولاشاقتا وسى قوردان زەينەتاقى الۋى ٷشٸن قۇرىلعان.
"ەسكەري قىزمەتكەرلەرگە قاتىستى وسىنداي ساياسي شەشٸم قابىلدانعاندىقتان ەڭبەك مينيسترلٸگٸندە ەسەپ بار. بۇل سونشالىقتى اپاتتى سوما ەمەس, بٸراق مەن بجزق-دا تۇراقتى قاراجات بولعانىن قالايمىن. بٸرٸنشٸدەن, بۇل – بٸزدٸڭ بولاشاعىمىز, بارلىق زەينەتكەرلەردٸڭ بولاشاعى, ٸشٸندە مەنٸڭ دە قاراجاتىم بار", - دەدٸ ول.
مينيستر ٶزٸنٸڭ زەينەتاقى جيناعىن مەرزٸمٸنەن بۇرىن الماعانىن ايتتى.
"مەن بٸر تيىن دا شىعارعان جوقپىن. ٶيتكەنٸ ول مەنٸڭ زەينەتاقىم ەكەنٸن جاقسى تٷسٸنەمٸن. ەكٸنشٸدەن بولاشاقتا قايدا جۇمىس ٸستەيتٸنٸمدٸ بٸلمەيمٸن. بۇل جيناقتى كٷندەلٸكتٸ قاجەتتٸلٸككە جۇمساعىم كەلمەيدٸ, بولاشاققا قالدىرعىم كەلەدٸ. قازاقستاندىقتاردىڭ بارلىعى وسىلاي ٸستەيدٸ دەپ ٷمٸتتەنەمٸن. ەكٸنشٸ جاعىنان, زەينەتاقى قورىنداعى اقشا – بولاشاقتا ينۆەستيتسييالىق جوبالار ٷشٸن ٷلكەن رەسۋرس. مۇنى دا تٷسٸنۋ كەرەك. بۇل – بٸزدٸڭ ارتىقشىلىعىمىز. باسقا كٶپتەگەن ەلدەردە مۇنداي جوق", - دەدٸ ەرۇلان جاماۋباەۆ.
