- QR densaýlyq saqtaý jáne áleýmettik damý ministri Tamara Dúisenova Elbasy Nursultan Nazarbaevtyń zeinetaqy men bala týǵanda beriletin memlekettik járdemaqyny ulǵaitý týraly tapsyrmasyna orai túsinikteme berdi, dep habarlaidy "Ult aqparat".
«Zeinetaqyny 20 paiyzǵa kóterý týraly tapsyrma berildi. Sóz yntymaqty zeinetaqy jaiynda bolyp otyr. Qazir biz 1 qańtardan bastap 9 paiyzǵa kóteremiz. 1 shildeden taǵy da 11 paiyzǵa kóterilip, tolyqtai alǵanda jylyna 20 paiyz bolady. Bala týýyna bailanysty beriletin járdemaqy boiynsha biz 1 qańtardan 7, al 1 shildeden 13 paiyzǵa kóterip, tolyqtai alǵanda 20 paiyz bolady», - dedi ministr.
Sonymen qatar ol el biýdjetinen bul maqsatqa qansha aqsha jumsalatyndyǵyn da naqty túsindirip berdi.
«Bizde zeinetkerler 2 mln. adam jáne shamamen 300-400 myń bala bar. Eger, barlyǵyn qosyp sanaityn bolsaq, shamamen 90 mlrd. teńge qajet. Qazir biz muny Qarjy ministrligimen birge sanaýdamyz», - dep atap ótti.
Dúisenovanyń aitýynsha, 2018 jyldyń 1 shildesinen bastap bazalyq zeinetaqy taǵaiyndaý eń tómen kúnkóris deńgeii men jumys ótiline bailanysty taǵaiyndalatyndyǵyn eskerte ketti.
Esterińizge sala ketsek, el Táýelsizdiginiń 25 jyldyq mereitoiyna arnalǵan saltanatty jiynda Elbasy Nursultan Nazarbaev el Úkimetine kelesi jyldan bastap zeinataqy kólemin 20 paiyzǵa arttyrýdy tapsyrǵan bolatyn.
.jpeg)