مينيستر زەينەتاقى مەن جەردەماقىنىڭ قاشاننان باستاپ ٶسەتٸنٸن حابارلادى

- قر دەنساۋلىق ساقتاۋ جەنە ەلەۋمەتتٸك دامۋ مينيسترٸ تامارا دٷيسەنوۆا ەلباسى نۇرسۇلتان نازارباەۆتىڭ زەينەتاقى مەن بالا تۋعاندا بەرٸلەتٸن مەملەكەتتٸك جەردەماقىنى ۇلعايتۋ تۋرالى تاپسىرماسىنا وراي تٷسٸنٸكتەمە بەردٸ, دەپ حابارلايدى "ۇلت اقپارات".

«زەينەتاقىنى 20 پايىزعا كٶتەرۋ تۋرالى تاپسىرما بەرٸلدٸ. سٶز  ىنتىماقتى زەينەتاقى جايىندا بولىپ وتىر. قازٸر بٸز 1 قاڭتاردان باستاپ 9 پايىزعا كٶتەرەمٸز. 1 شٸلدەدەن تاعى دا 11 پايىزعا كٶتەرٸلٸپ, تولىقتاي العاندا جىلىنا 20 پايىز بولادى. بالا تۋۋىنا بايلانىستى بەرٸلەتٸن جەردەماقى بويىنشا بٸز 1 قاڭتاردان 7, ال 1 شٸلدەدەن 13 پايىزعا كٶتەرٸپ, تولىقتاي العاندا 20 پايىز بولادى», - دەدٸ مينيستر.

سونىمەن قاتار ول ەل بيۋدجەتٸنەن بۇل ماقساتقا قانشا اقشا جۇمسالاتىندىعىن دا ناقتى تٷسٸندٸرٸپ بەردٸ.

«بٸزدە زەينەتكەرلەر 2 ملن. ادام جەنە شامامەن 300-400 مىڭ بالا بار. ەگەر, بارلىعىن قوسىپ سانايتىن بولساق, شامامەن 90 ملرد. تەڭگە قاجەت. قازٸر بٸز مۇنى  قارجى مينيسترلٸگٸمەن بٸرگە ساناۋدامىز», - دەپ اتاپ ٶتتٸ.

دٷيسەنوۆانىڭ ايتۋىنشا, 2018 جىلدىڭ 1 شٸلدەسٸنەن باستاپ بازالىق زەينەتاقى تاعايىنداۋ ەڭ تٶمەن كٷنكٶرٸس دەڭگەيٸ مەن جۇمىس ٶتٸلٸنە بايلانىستى تاعايىندالاتىندىعىن ەسكەرتە كەتتٸ.

ەستەرٸڭٸزگە سالا كەتسەك, ەل تەۋەلسٸزدٸگٸنٸڭ 25 جىلدىق مەرەيتويىنا ارنالعان سالتاناتتى جيىندا ەلباسى نۇرسۇلتان نازارباەۆ ەل ٷكٸمەتٸنە كەلەسٸ جىلدان باستاپ زەيناتاقى كٶلەمٸن 20 پايىزعا ارتتىرۋدى تاپسىرعان بولاتىن.