Foto: ashyq derekkóz
Ulttyq quryltaidyń hatshysy, Mádeniet jáne aqparat ministri Aida Balaeva Býrabaida ótip jatqan quryltaidyń «Mádeniet. Óner. Rýhaniiat» taqyrybyndaǵy sektsiiasynda moderator boldy. Ministr buǵan deiin ótken jiyndarynda kóterilgen máselelerge toqtaldy. Sonyń biri - Qoja Ahmet Iasaýi kesenesiniń jaǵdaiyna qatysty, dep habarlaidy Ult.kz Qazaqstan.tv arnasyna silteme jasap.
«2023 jyldan beri kesenede keshendi ǵylymi jumystar júrgizilýde. Atalǵan jumys aiasynda keseneniń konstrýktsiialyq turaqtylyǵy, ylǵaldaný kózderin zertteý júzege asyryldy. 2025 jylǵa ǵylymi restavratsiialyq jumystarǵa biýdjetten qarjy qarastyrylǵan. Kún jylynǵannan keiin tiisti jumysty bastaimyz. Sonymen qatar biyl Túrkistan qalasynda ótetin halyqaralyq simpoziýmǵa daiyndyq jumysy bastaldy. Jiyn aiasynda Qoja Ahmet Iasaýidiń murasy jańasha zerdelenip, onyń hikmetteriniń máni men mańyzy tereń talqylanady», dedi ministr.
