Qazaqstanda oqýshylar men jastardyń el tarihy men mádenietine qyzyǵýshylyǵyn arttyrý maqsatynda «Uly Dala Joly: Uly Dala Tarihy» ústel oiyny jasaldy. Joba QR Mádeniet jáne aqparat ministrliginiń tapsyrysymen Azamattyq bastamalardy qoldaý ortalyǵy bólgen shaǵyn grant esebinen júzege asyryldy. Bul týraly QR Mádeniet jáne aqparat ministrliginiń baspasóz qyzmeti habarlaidy, dep jazady ult.kz.
Atalmysh jobanyń avtory, «Tarih jáne mádeniet salasyndaǵy volonterlikti damytý» baǵyty boiynsha shaǵyn grant iegeri, Taraz qalasynyń turǵyny – Aqarys Áýeshan.
«Bir kúni dostarymmen «Monopoliia» oinap otyryp, Qazaqstannyń tarihi oryndaryna arnalǵan osyndai oiyn jasasaq qalai bolar eken dep oiladym. «Uly Dala Joly: Uly Dala Tarihy» oiynynyń ideiasy osylai paida boldy. Basty maqsatym – qazaq tilindegi ústel oiyndarynyń sanyn kóbeitip qana qoimai, jastarǵa elimizdiń tarihyn qyzyqty ári túsinikti etip jetkizý», – deidi joba avtory.
Oiyndy ázirleý barysynda tarihshy ǵalymdardyń keńesteri eskerildi. Ol 8 jastan asqan 2-6 adamǵa arnalǵan.
Joba aiasynda oiynnyń 15 jiyntyǵy shyǵarylyp, Astana, Qaraǵandy jáne Taraz qalalarynda synaqtan ótti.
Oiyn jiyntyqtary bilim berý mekemelerine, jastar jáne volonterlik uiymdarǵa berildi. Aldaǵy ýaqytta joba avtory oiynnyń taralymyn kóbeitýdi josparlap otyr.
