قازاقستاندا وقۋشىلار مەن جاستاردىڭ ەل تاريحى مەن مەدەنيەتٸنە قىزىعۋشىلىعىن ارتتىرۋ ماقساتىندا «Uly Dala Joly: ۇلى دالا تاريحى» ٷستەل ويىنى جاسالدى. جوبا قر مەدەنيەت جەنە اقپارات مينيسترلٸگٸنٸڭ تاپسىرىسىمەن ازاماتتىق باستامالاردى قولداۋ ورتالىعى بٶلگەن شاعىن گرانت ەسەبٸنەن جٷزەگە اسىرىلدى. بۇل تۋرالى قر مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸ حابارلايدى, دەپ جازادى ult.kz.
اتالمىش جوبانىڭ اۆتورى, «تاريح جەنە مەدەنيەت سالاسىنداعى ۆولونتەرلٸكتٸ دامىتۋ» باعىتى بويىنشا شاعىن گرانت يەگەرٸ, تاراز قالاسىنىڭ تۇرعىنى – اقارىس ەۋەسحان.
«بٸر كٷنٸ دوستارىممەن «مونوپولييا» ويناپ وتىرىپ, قازاقستاننىڭ تاريحي ورىندارىنا ارنالعان وسىنداي ويىن جاساساق قالاي بولار ەكەن دەپ ويلادىم. «Uly Dala Joly: ۇلى دالا تاريحى» ويىنىنىڭ يدەياسى وسىلاي پايدا بولدى. باستى ماقساتىم – قازاق تٸلٸندەگٸ ٷستەل ويىندارىنىڭ سانىن كٶبەيتٸپ قانا قويماي, جاستارعا ەلٸمٸزدٸڭ تاريحىن قىزىقتى ەرٸ تٷسٸنٸكتٸ ەتٸپ جەتكٸزۋ», – دەيدٸ جوبا اۆتورى.
ويىندى ەزٸرلەۋ بارىسىندا تاريحشى عالىمداردىڭ كەڭەستەرٸ ەسكەرٸلدٸ. ول 8 جاستان اسقان 2-6 ادامعا ارنالعان.
جوبا اياسىندا ويىننىڭ 15 جيىنتىعى شىعارىلىپ, استانا, قاراعاندى جەنە تاراز قالالارىندا سىناقتان ٶتتٸ.
ويىن جيىنتىقتارى بٸلٸم بەرۋ مەكەمەلەرٸنە, جاستار جەنە ۆولونتەرلٸك ۇيىمدارعا بەرٸلدٸ. الداعى ۋاقىتتا جوبا اۆتورى ويىننىڭ تارالىمىن كٶبەيتۋدٸ جوسپارلاپ وتىر.
