فوتو: اشىق دەرەككٶز
ۇلتتىق قۇرىلتايدىڭ حاتشىسى, مەدەنيەت جەنە اقپارات مينيسترٸ ايدا بالاەۆا بۋرابايدا ٶتٸپ جاتقان قۇرىلتايدىڭ «مەدەنيەت. ٶنەر. رۋحانييات» تاقىرىبىنداعى سەكتسيياسىندا مودەراتور بولدى. مينيستر بۇعان دەيٸن ٶتكەن جيىندارىندا كٶتەرٸلگەن مەسەلەلەرگە توقتالدى. سونىڭ بٸرٸ - قوجا احمەت ياساۋي كەسەنەسٸنٸڭ جاعدايىنا قاتىستى, دەپ حابارلايدى Ult.kz Qazaqstan.tv ارناسىنا سٸلتەمە جاساپ.
«2023 جىلدان بەرٸ كەسەنەدە كەشەندٸ عىلىمي جۇمىستار جٷرگٸزٸلۋدە. اتالعان جۇمىس اياسىندا كەسەنەنٸڭ كونسترۋكتسييالىق تۇراقتىلىعى, ىلعالدانۋ كٶزدەرٸن زەرتتەۋ جٷزەگە اسىرىلدى. 2025 جىلعا عىلىمي رەستاۆراتسييالىق جۇمىستارعا بيۋدجەتتەن قارجى قاراستىرىلعان. كٷن جىلىنعاننان كەيٸن تيٸستٸ جۇمىستى باستايمىز. سونىمەن قاتار بيىل تٷركٸستان قالاسىندا ٶتەتٸن حالىقارالىق سيمپوزيۋمعا دايىندىق جۇمىسى باستالدى. جيىن اياسىندا قوجا احمەت ياساۋيدٸڭ مۇراسى جاڭاشا زەردەلەنٸپ, ونىڭ حيكمەتتەرٸنٸڭ مەنٸ مەن ماڭىزى تەرەڭ تالقىلانادى», دەدٸ مينيستر.
