QR Saýda jáne integratsiia ministri Baqyt Sultanov eldegi qant baǵasynyń qymbattaýyna bailanysty pikir bildirdi, dep habarlaidy QazAqparat.
Sizdiń oiyńyzsha, Qazaqstandaǵy saýda núktelerinde qanttyń baǵasy qansha? Úkimet otyrysynan keiin BAQ ókilderin suhbat bergen ministrge osyndai suraq qoiyldy.
«Biz qant baǵasyn aqparat jinaý arqyly ǵana baqylap, ainalysyp otyrǵan joqpyz. Óz basym jeksenbi kúni birneshe saýda nysanyna bardym. Árine, baǵa qubylyp tur. Ony men de rastaimyn. Qant baǵasy negizinen suranys áserinen kóterilip ketti. Qazir jergilikti atqarýshy organdarmen baǵanyń aqylǵa qonymdy bolýy úshin jumys istep jatyrmyz», - dedi vedomstvo basyshsy.
Sondai-aq, ol qanttyń kelisi 900 teńgeden satylyp jatyr degen aqparatpen kelispeitinin aitty.
«Baǵa 400 teńgeden 600 teńgege deiin qubylyp tur. Importtyq qant dep jeke satyp jatqandar bar. Men 900 teńge degen baǵany kórgen joqpyn», - dedi Baqyt Sultanov.
