قر ساۋدا جەنە ينتەگراتسييا مينيسترٸ باقىت سۇلتانوۆ ەلدەگٸ قانت باعاسىنىڭ قىمباتتاۋىنا بايلانىستى پٸكٸر بٸلدٸردٸ, دەپ حابارلايدى قازاقپارات.
سٸزدٸڭ ويىڭىزشا, قازاقستانداعى ساۋدا نٷكتەلەرٸندە قانتتىڭ باعاسى قانشا? ٷكٸمەت وتىرىسىنان كەيٸن باق ٶكٸلدەرٸن سۇحبات بەرگەن مينيسترگە وسىنداي سۇراق قويىلدى.
«بٸز قانت باعاسىن اقپارات جيناۋ ارقىلى عانا باقىلاپ, اينالىسىپ وتىرعان جوقپىز. ٶز باسىم جەكسەنبٸ كٷنٸ بٸرنەشە ساۋدا نىسانىنا باردىم. ەرينە, باعا قۇبىلىپ تۇر. ونى مەن دە راستايمىن. قانت باعاسى نەگٸزٸنەن سۇرانىس ەسەرٸنەن كٶتەرٸلٸپ كەتتٸ. قازٸر جەرگٸلٸكتٸ اتقارۋشى ورگاندارمەن باعانىڭ اقىلعا قونىمدى بولۋى ٷشٸن جۇمىس ٸستەپ جاتىرمىز», - دەدٸ ۆەدومستۆو باسىشسى.
سونداي-اق, ول قانتتىڭ كەلٸسٸ 900 تەڭگەدەن ساتىلىپ جاتىر دەگەن اقپاراتپەن كەلٸسپەيتٸنٸن ايتتى.
«باعا 400 تەڭگەدەن 600 تەڭگەگە دەيٸن قۇبىلىپ تۇر. يمپورتتىق قانت دەپ جەكە ساتىپ جاتقاندار بار. مەن 900 تەڭگە دەگەن باعانى كٶرگەن جوقپىن», - دەدٸ باقىت سۇلتانوۆ.
