Sport qaýymdastyǵynda sońǵy ýaqytta jii talqylanyp júrgen máselelerdiń biri – mánerlep syrǵanaýshy Mihail Shaidorovqa qatysty aqparattyq qysymnyń bolýy. Bul taqyryp búgin Týrizm jáne sport ministri Erbol Myrzabosynovqa da qoiyldy. Prokzsport Telegram arnasynyń jazýynsha, ministr suraqtan jaltarmai, máseleni obektivti turǵydan baǵalaý qajet ekenin aitqan, dep habarlaidy ult.kz.
«Negizgi oi óte qarapaiym boldy: syn qajet, biraq ol naqty faktilerge súienýi tiis. Sońǵy ailarda Mihail týraly túrli pikirler aityldy — «oǵan jai ǵana joly boldy» degennen bastap, «jetistikke júieniń arqasynda emes, soǵan qaramastan jetti» degenge deiin. Alaida daýly taqyryptar men aiqaily taqyryptardyń tasasynda sportshynyń shynaiy jetistikteri, kúndelikti eńbegi men naqty nátijesi jii nazardan tys qalyp jatady.
Ministr taǵy bir mańyzdy máselege toqtaldy: mundai aqparattyq teketirester eń aldymen sportshylardyń ózderine ziian tigizedi. Sondyqtan qoldan jasalǵan qaqtyǵystardy qozdyra bergennen góri, Qazaqstannyń atyn halyqaralyq arenada tanytyp júrgen azamattardyń jetistikteri týraly kóbirek aitqan durys», — dep jazady arna.
