Foto: mercury.kz
Astana qalasy máslihatynyń depýtattary «Kerýen» saýda úiiniń janynan kúmándi jolmen satylǵan jer telimine qatysty shaǵymdandy, dep habarlaidy Ult.kz.
Elorda máslihatynyń kezekten tys sessiiasynda depýtat Asqar Smaǵulov daýly kelisimsharttyń mán-jaiyn aitty. 2022 jyly jekemenshikten tárkilengen igerilmegen jer telimi 2023 jyly aýktsionda 176 mln. teńgege satylǵan. Al tórt aidan keiin qala biligi skverge bólingen bul jerdi qaitadan 1,08 mlrd. teńgege satyp alǵysy kelgen.
«Birinshiden, sizder skverdi áli satyp alynbaǵan bóten jer telimine salǵansyzdar degen sóz. Ekinshiden, 2022 jyly jekemenshikten igerilmegen jer telimin tárkileimiz. Al eger ony tórt aidan keiin qaita satyp alatyn bolsaq, 2023 jyly ony aýktsion arqyly satýǵa qandai qajettilik týdy?» ‒ dedi depýtat.
Smaǵulov insaiderlik aqparattyń shyndyǵyn tekserip, nelikten jer telimi qunynyń birden bes ekege ósirip satylǵanyn tekserý úshin Bas Prokýratýraǵa shaǵymdanatynyn aitty.
Depýtat Vladislav Sergeev osy jerge skver salý máselesin turǵyndar úsh jyl buryn kótergenin aityp, bilik ókilderiniń aiaq asty qabyldaǵan sheshim ekenine kúmán týǵyzdy.
Astana ákimniń birinshi orynbasary Nurlan Nurkenov aýktsion kezinde skver salý týraly sońǵy sheshim áli qabyldanbaǵynyn aitty.
