فوتو: mercury.kz
استانا قالاسى مەسليحاتىنىڭ دەپۋتاتتارى «كەرۋەن» ساۋدا ٷيٸنٸڭ جانىنان كٷمەندٸ جولمەن ساتىلعان جەر تەلٸمٸنە قاتىستى شاعىمداندى, دەپ حابارلايدى Ult.kz.
ەلوردا مەسليحاتىنىڭ كەزەكتەن تىس سەسسيياسىندا دەپۋتات اسقار سماعۇلوۆ داۋلى كەلٸسٸمشارتتىڭ مەن-جايىن ايتتى. 2022 جىلى جەكەمەنشٸكتەن تەركٸلەنگەن يگەرٸلمەگەن جەر تەلٸمٸ 2023 جىلى اۋكتسيوندا 176 ملن. تەڭگەگە ساتىلعان. ال تٶرت ايدان كەيٸن قالا بيلٸگٸ سكۆەرگە بٶلٸنگەن بۇل جەردٸ قايتادان 1,08 ملرد. تەڭگەگە ساتىپ العىسى كەلگەن.
«بٸرٸنشٸدەن, سٸزدەر سكۆەردٸ ەلٸ ساتىپ الىنباعان بٶتەن جەر تەلٸمٸنە سالعانسىزدار دەگەن سٶز. ەكٸنشٸدەن, 2022 جىلى جەكەمەنشٸكتەن يگەرٸلمەگەن جەر تەلٸمٸن تەركٸلەيمٸز. ال ەگەر ونى تٶرت ايدان كەيٸن قايتا ساتىپ الاتىن بولساق, 2023 جىلى ونى اۋكتسيون ارقىلى ساتۋعا قانداي قاجەتتٸلٸك تۋدى?» ‒ دەدٸ دەپۋتات.
سماعۇلوۆ ينسايدەرلٸك اقپاراتتىڭ شىندىعىن تەكسەرٸپ, نەلٸكتەن جەر تەلٸمٸ قۇنىنىڭ بٸردەن بەس ەكەگە ٶسٸرٸپ ساتىلعانىن تەكسەرۋ ٷشٸن باس پروكۋراتۋراعا شاعىمداناتىنىن ايتتى.
دەپۋتات ۆلاديسلاۆ سەرگەەۆ وسى جەرگە سكۆەر سالۋ مەسەلەسٸن تۇرعىندار ٷش جىل بۇرىن كٶتەرگەنٸن ايتىپ, بيلٸك ٶكٸلدەرٸنٸڭ اياق استى قابىلداعان شەشٸم ەكەنٸنە كٷمەن تۋعىزدى.
استانا ەكٸمنٸڭ بٸرٸنشٸ ورىنباسارى نۇرلان نۇركەنوۆ اۋكتسيون كەزٸندە سكۆەر سالۋ تۋرالى سوڭعى شەشٸم ەلٸ قابىلدانباعىنىن ايتتى.
