- Qazaqstanǵa oralǵanymen elimizdiń kóshi-qon zańnamasyn buzǵany úshin keri qaitarylǵan qandastarymyzdyń qarasy qalyń. Solardyń qatarynda 9 jastaǵy Meiirgúldiń de ata-anasy bar.
Qazirgi ýaqytta Almatyda jalǵyz ózi qalyp, týystarynyń úiin panalaǵan kishkentai qyz búgin elordaǵa arnaiy kelip, muńyn Ishki ister ministri Qalmuhanbet Qasymovqa aqtardy, dep habarlaidy Ult.kz tilshisi QazAqparat agenttigine silteme jasap.
«Nur Otan» partiiasynda ótken qoǵamdyq qabyldaýda Meiirgúl ministrge arnaiy jazylǵan ótinishin tabystady. Ata-anasymen tez arada qaýyshatyndyǵyna úmit artqan ol el Táýelsizdigiń 25 jyldyǵyna orai shetten oralǵanǵanymen Qazaqstannyń kóshi-qon zańnamasyn buzyp keri qaitarylǵan qandastarymyzǵa da raqymshylyq jasalsa deidi.
Oqyrmanǵa Meiirgúldiń ministrge jazǵan hatyn usynbaqpyz.
«Qalmuhanbet Qasymov ataǵa ótinish! Meniń atym Meiirgúl. Jasym 9-da. Almaty qalasyndaǵy №93 mekteptiń 3 «á» synybynda oqimyn. 2013 jyly Qytaidan Almatyǵa kóship kelgenbiz. Ol jaqta qytai balabaqshasynda oqydym. Ata-anam meni qazaqsha oqytamyn, qyzym qazaq bolyp óssin dep, men úshin Qazaqstanǵa kóship keldi. Ákemniń aty Ularbek, anamnyń aty Oralhan. Biraq ákem men sheshemdi politsiia quqyq buzdyń dep Qytaiǵa shyǵaryp jiberdi. 5 jyl kele almaidy eken. Men Almatyda jalǵyz ózim qaldym. Men ata-anamdy qatty saǵyndym. Túnde tósekte jatqanda kúnde jylaimyn. Olar kúnde túsime kiredi. Tez kelse eken dep Alladan kúnde tileimin. Qalmuhanbet ata men sekildi sizdiń de nemereńiz bar shyǵar, maǵan kómektesińizshi, ótinemin. Ákem men shesheme jáne sondai kisilerge bir jolǵa raqymshylyq jasańyzshy. «Nur Otan» partiiasyna sol úshin Almatydan keldim. Olar Qazaqstan tez qaityp oralsynshy. Men olardy qatty saǵynyp kettim», - deidi 9 jastaǵy Meiirgúl ministrge jazǵan hatynda.
.jpeg)