- قازاقستانعا ورالعانىمەن ەلٸمٸزدٸڭ كٶشٸ-قون زاڭناماسىن بۇزعانى ٷشٸن كەرٸ قايتارىلعان قانداستارىمىزدىڭ قاراسى قالىڭ. سولاردىڭ قاتارىندا 9 جاستاعى مەيٸرگٷلدٸڭ دە اتا-اناسى بار.
قازٸرگٸ ۋاقىتتا الماتىدا جالعىز ٶزٸ قالىپ, تۋىستارىنىڭ ٷيٸن پانالاعان كٸشكەنتاي قىز بٷگٸن ەلورداعا ارنايى كەلٸپ, مۇڭىن ٸشكٸ ٸستەر مينيسترٸ قالمۇحانبەت قاسىموۆقا اقتاردى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«نۇر وتان» پارتيياسىندا ٶتكەن قوعامدىق قابىلداۋدا مەيٸرگٷل مينيسترگە ارنايى جازىلعان ٶتٸنٸشٸن تابىستادى. اتا-اناسىمەن تەز ارادا قاۋىشاتىندىعىنا ٷمٸت ارتقان ول ەل تەۋەلسٸزدٸگٸڭ 25 جىلدىعىنا وراي شەتتەن ورالعانعانىمەن قازاقستاننىڭ كٶشٸ-قون زاڭناماسىن بۇزىپ كەرٸ قايتارىلعان قانداستارىمىزعا دا راقىمشىلىق جاسالسا دەيدٸ.
وقىرمانعا مەيٸرگٷلدٸڭ مينيسترگە جازعان حاتىن ۇسىنباقپىز.
«قالمۇحانبەت قاسىموۆ اتاعا ٶتٸنٸش! مەنٸڭ اتىم مەيٸرگٷل. جاسىم 9-دا. الماتى قالاسىنداعى №93 مەكتەپتٸڭ 3 «ە» سىنىبىندا وقيمىن. 2013 جىلى قىتايدان الماتىعا كٶشٸپ كەلگەنبٸز. ول جاقتا قىتاي بالاباقشاسىندا وقىدىم. اتا-انام مەنٸ قازاقشا وقىتامىن, قىزىم قازاق بولىپ ٶسسٸن دەپ, مەن ٷشٸن قازاقستانعا كٶشٸپ كەلدٸ. ەكەمنٸڭ اتى ۇلاربەك, انامنىڭ اتى ورالحان. بٸراق ەكەم مەن شەشەمدٸ پوليتسييا قۇقىق بۇزدىڭ دەپ قىتايعا شىعارىپ جٸبەردٸ. 5 جىل كەلە المايدى ەكەن. مەن الماتىدا جالعىز ٶزٸم قالدىم. مەن اتا-انامدى قاتتى ساعىندىم. تٷندە تٶسەكتە جاتقاندا كٷندە جىلايمىن. ولار كٷندە تٷسٸمە كٸرەدٸ. تەز كەلسە ەكەن دەپ اللادان كٷندە تٸلەيمٸن. قالمۇحانبەت اتا مەن سەكٸلدٸ سٸزدٸڭ دە نەمەرەڭٸز بار شىعار, ماعان كٶمەكتەسٸڭٸزشٸ, ٶتٸنەمٸن. ەكەم مەن شەشەمە جەنە سونداي كٸسٸلەرگە بٸر جولعا راقىمشىلىق جاساڭىزشى. «نۇر وتان» پارتيياسىنا سول ٷشٸن الماتىدان كەلدٸم. ولار قازاقستان تەز قايتىپ ورالسىنشى. مەن ولاردى قاتتى ساعىنىپ كەتتٸم», - دەيدٸ 9 جاستاعى مەيٸرگٷل مينيسترگە جازعان حاتىندا.
.jpeg)