Madina Rashidqyzynyń isinde mańyzdy aýdiojazba tarady, dep habarlaidy ult.kz.
Bul týraly jýrnalist Jan Ahmadiev aitty.
«Madina isinde taǵy bir mańyzdy aýdiojazba bar. Aqparat boiynsha, Madiiardyń anasy golosovoi habarlamada ulynyń Madinaǵa qol kótergeni týraly aitqan. Endi bul jazbanyń túpnusqalyǵy tekserilip, tergeý aiasynda quqyqtyq baǵasy berilýi tiis», - deidi ol.
Aýdiojazbada Madiiardyń anasy qudaǵiyna habarlasyp, qyzynyń teris qylyqtaryn aitqan. «Kúieýin tyńdamaǵany úshin taiaq jeidi» degen.
Aita keteiik, Madina Rashidqyzynyń qyryq kúndik asy ótti.
Madina Rashidqyzy kim?
Jambyl oblysynyń Merki aýdanynda 19 jastaǵy Madina Rashidqyzynyń qaitys bolýyna qatysty tergeý jalǵasyp jatyr. Jas kelinshektiń artynda 10 ailyq sábii qalǵan.
Málimet boiynsha, Madina shamamen eki jyl buryn turmysqa shyqqan. Ol kúieýi Madiiar jáne enesimen birge Qyzyl qystaq aýylynda turǵan. Jas kelinshek qaitys bolardan birneshe kún buryn jaqyn qurbysyna otbasyndaǵy jaǵdaiǵa bailanysty shaǵym aityp, kúieýimen janjaldasqanyn jetkizgen.
Áleýmettik jelide taraǵan aqparatqa sáikes, erli-zaiypty arasyndaǵy sońǵy janjal «Barni» táttisine bailanysty bolǵan. Madinanyń qurbysyna jazǵan habarlamalarynda kúieýiniń oǵan qol kótergeni jáne kelinshektiń odan ketkisi kelgeni aitylǵan. Bul málimetter qazir tergeý barysynda tekserilip jatyr.
Madinanyń jaqyndary onyń ólimine qatysty birqatar kúmáni baryn aityp, oqiǵanyń barlyq mán-jaiyn jan-jaqty anyqtaýdy talap etýde. Týystary marqumnyń denesinde kógergen jáne jaraqat belgilerin baiqaǵanyn málimdegen. Alaida bul jaittarǵa qatysty sot-meditsinalyq saraptamanyń tolyq qorytyndysy kópshilikke jariialanǵan joq.
Qaiǵyly jaǵdaidan keiin Madinanyń anasy 10 ailyq nemeresin kórýge barǵan. Alaida onyń balamen kezdesýine qatysty da daý týyndaǵan. Qazir marqumnyń anasy qyzynan qalǵan sábiin kórýge múmkindik berýdi surap otyr.
Quqyq qorǵaý organdary Madinanyń ólimi boiynsha «ózin-ózi óltirýge deiin jetkizý» baby boiynsha sotqa deiingi tergeý júrgizip jatyr. Tergeý barysynda onyń ólimine ne sebep bolǵany, oqiǵaǵa kimderdiń qatysy bar ekeni jáne buǵan deiin otbasynda qandai jaǵdailar bolǵany anyqtalmaq.
Qazirgi tańda istiń naqty mán-jaiy tergeý nátijesinde belgili bolady.
