مادينا راشيدقىزىنىڭ ٸسٸندە ماڭىزدى اۋديوجازبا تارادى, دەپ حابارلايدى ult.kz.
بۇل تۋرالى جۋرناليست جان احماديەۆ ايتتى.
«مادينا ٸسٸندە تاعى بٸر ماڭىزدى اۋديوجازبا بار. اقپارات بويىنشا, ماديياردىڭ اناسى گولوسوۆوي حابارلامادا ۇلىنىڭ ماديناعا قول كٶتەرگەنٸ تۋرالى ايتقان. ەندٸ بۇل جازبانىڭ تٷپنۇسقالىعى تەكسەرٸلٸپ, تەرگەۋ اياسىندا قۇقىقتىق باعاسى بەرٸلۋٸ تيٸس», - دەيدٸ ول.
اۋديوجازبادا ماديياردىڭ اناسى قۇداعيىنا حابارلاسىپ, قىزىنىڭ تەرٸس قىلىقتارىن ايتقان. «كٷيەۋٸن تىڭداماعانى ٷشٸن تاياق جەيدٸ» دەگەن.
ايتا كەتەيٸك, مادينا راشيدقىزىنىڭ قىرىق كٷندٸك اسى ٶتتٸ.
مادينا راشيدقىزى كٸم?
جامبىل وبلىسىنىڭ مەركٸ اۋدانىندا 19 جاستاعى مادينا راشيدقىزىنىڭ قايتىس بولۋىنا قاتىستى تەرگەۋ جالعاسىپ جاتىر. جاس كەلٸنشەكتٸڭ ارتىندا 10 ايلىق سەبيٸ قالعان.
مەلٸمەت بويىنشا, مادينا شامامەن ەكٸ جىل بۇرىن تۇرمىسقا شىققان. ول كٷيەۋٸ مادييار جەنە ەنەسٸمەن بٸرگە قىزىل قىستاق اۋىلىندا تۇرعان. جاس كەلٸنشەك قايتىس بولاردان بٸرنەشە كٷن بۇرىن جاقىن قۇربىسىنا وتباسىنداعى جاعدايعا بايلانىستى شاعىم ايتىپ, كٷيەۋٸمەن جانجالداسقانىن جەتكٸزگەن.
ەلەۋمەتتٸك جەلٸدە تاراعان اقپاراتقا سەيكەس, ەرلٸ-زايىپتى اراسىنداعى سوڭعى جانجال «بارني» تەتتٸسٸنە بايلانىستى بولعان. مادينانىڭ قۇربىسىنا جازعان حابارلامالارىندا كٷيەۋٸنٸڭ وعان قول كٶتەرگەنٸ جەنە كەلٸنشەكتٸڭ ودان كەتكٸسٸ كەلگەنٸ ايتىلعان. بۇل مەلٸمەتتەر قازٸر تەرگەۋ بارىسىندا تەكسەرٸلٸپ جاتىر.
مادينانىڭ جاقىندارى ونىڭ ٶلٸمٸنە قاتىستى بٸرقاتار كٷمەنٸ بارىن ايتىپ, وقيعانىڭ بارلىق مەن-جايىن جان-جاقتى انىقتاۋدى تالاپ ەتۋدە. تۋىستارى مارقۇمنىڭ دەنەسٸندە كٶگەرگەن جەنە جاراقات بەلگٸلەرٸن بايقاعانىن مەلٸمدەگەن. الايدا بۇل جايتتارعا قاتىستى سوت-مەديتسينالىق ساراپتامانىڭ تولىق قورىتىندىسى كٶپشٸلٸككە جارييالانعان جوق.
قايعىلى جاعدايدان كەيٸن مادينانىڭ اناسى 10 ايلىق نەمەرەسٸن كٶرۋگە بارعان. الايدا ونىڭ بالامەن كەزدەسۋٸنە قاتىستى دا داۋ تۋىنداعان. قازٸر مارقۇمنىڭ اناسى قىزىنان قالعان سەبيٸن كٶرۋگە مٷمكٸندٸك بەرۋدٸ سۇراپ وتىر.
قۇقىق قورعاۋ ورگاندارى مادينانىڭ ٶلٸمٸ بويىنشا «ٶزٸن-ٶزٸ ٶلتٸرۋگە دەيٸن جەتكٸزۋ» بابى بويىنشا سوتقا دەيٸنگٸ تەرگەۋ جٷرگٸزٸپ جاتىر. تەرگەۋ بارىسىندا ونىڭ ٶلٸمٸنە نە سەبەپ بولعانى, وقيعاعا كٸمدەردٸڭ قاتىسى بار ەكەنٸ جەنە بۇعان دەيٸن وتباسىندا قانداي جاعدايلار بولعانى انىقتالماق.
قازٸرگٸ تاڭدا ٸستٸڭ ناقتى مەن-جايى تەرگەۋ نەتيجەسٸندە بەلگٸلٸ بولادى.
