Foto: ashyq derekkóz
Mádeniet jáne aqparat ministrligi belgili akter, stsenarist, kinodramatýrg, Qazaqstannyń eńbek sińirgen qairatkeri Nurlan Sanjaruly Segizbaevtyń dúnieden ótýine bailanysty resmi kóńil aitý jariialady, dep habarlaidy Ult.kz.
Vedomstvo marqumnyń otbasy men jaqyn týystaryna, sondai-aq barsha qazaq halqyna qaiǵyra kóńil aitty. Habarlamada Nurlan Sanjarulynyń qazaq mádenieti men óneriniń damýyna ólsheýsiz úles qosqan tulǵa ekeni atap ótildi.
Nurlan Segizbaev óz ǵumyryn shyǵarmashylyqqa arnap, ulttyq rýhaniiatty damytý jolynda aianbai eńbek etti. Ol keiingi urpaqqa ónege bolatyn mol rýhani mura qaldyrdy. Ónersúier qaýymǵa Abdolla Qarsaqbaevtyń «Meniń atym Qoja» filmindegi basty róli arqyly keńinen tanylǵan akter qazaq kino ónerindegi dara tulǵalardyń biri sanalady. Onyń ekranda somdaǵan kórkem beineleri otandyq óner tarihynda airyqsha oryn alady.
Ministrlik marqumnyń jarqyn beinesi men shyǵarmashylyq murasy halqymyzdyń jadynda máńgi saqtalatynyna senim bildirdi.
«Marqumnyń jany jánnatta, imany salamat, topyraǵy torqa bolǵai», – delingen kóńil aitý mátininde.
