فوتو: اشىق دەرەككٶز
مەدەنيەت جەنە اقپارات مينيسترلٸگٸ بەلگٸلٸ اكتەر, ستسەناريست, كينودراماتۋرگ, قازاقستاننىڭ ەڭبەك سٸڭٸرگەن قايراتكەرٸ نۇرلان سانجارۇلى سەگٸزباەۆتىڭ دٷنيەدەن ٶتۋٸنە بايلانىستى رەسمي كٶڭٸل ايتۋ جارييالادى, دەپ حابارلايدى Ult.kz.
ۆەدومستۆو مارقۇمنىڭ وتباسى مەن جاقىن تۋىستارىنا, سونداي-اق بارشا قازاق حالقىنا قايعىرا كٶڭٸل ايتتى. حابارلامادا نۇرلان سانجارۇلىنىڭ قازاق مەدەنيەتٸ مەن ٶنەرٸنٸڭ دامۋىنا ٶلشەۋسٸز ٷلەس قوسقان تۇلعا ەكەنٸ اتاپ ٶتٸلدٸ.
نۇرلان سەگٸزباەۆ ٶز عۇمىرىن شىعارماشىلىققا ارناپ, ۇلتتىق رۋحانيياتتى دامىتۋ جولىندا ايانباي ەڭبەك ەتتٸ. ول كەيٸنگٸ ۇرپاققا ٶنەگە بولاتىن مول رۋحاني مۇرا قالدىردى. ٶنەرسٷيەر قاۋىمعا ابدوللا قارساقباەۆتىڭ «مەنٸڭ اتىم قوجا» فيلمٸندەگٸ باستى رٶلٸ ارقىلى كەڭٸنەن تانىلعان اكتەر قازاق كينو ٶنەرٸندەگٸ دارا تۇلعالاردىڭ بٸرٸ سانالادى. ونىڭ ەكراندا سومداعان كٶركەم بەينەلەرٸ وتاندىق ٶنەر تاريحىندا ايرىقشا ورىن الادى.
مينيسترلٸك مارقۇمنىڭ جارقىن بەينەسٸ مەن شىعارماشىلىق مۇراسى حالقىمىزدىڭ جادىندا مەڭگٸ ساقتالاتىنىنا سەنٸم بٸلدٸردٸ.
«مارقۇمنىڭ جانى جەنناتتا, يمانى سالامات, توپىراعى تورقا بولعاي», – دەلٸنگەن كٶڭٸل ايتۋ مەتٸنٸندە.
