Qazaqstandyq ánshi Merýert Túsipbaeva depýtat bolý máselesine qatysty óz pikirin ashyq aitty, dep habarlaidy ult.kz.
Óner iesiniń sózinshe, ol depýtattyqqa barmaidy. Sebebi ózin qoldaityn nemese joǵaryǵa usynatyn yqpaldy tanystary joq ekenin jasyrmady.
«Mende tanys joq. “Krysha” joq. Kótermeleitin eshkim joq. Men 55-ke tolamyn. Pavlodar oblysynan shyqqan jalǵyz ánshimin. Biraq jerlesterim de meni qoldamaidy. Depýtat bolý úshin tamyr-tanys kerek. Bireýdiń tartýy kerek», – dedi ol.
Sonymen qatar ánshi depýtat bolý úshin tek tanymal bolý jetkiliksiz ekenin aitty. Onyń pikirinshe, zańger, qarjyger, ekonomist sekildi salalardy meńgergen mamandar ǵana zań shyǵarý isimen ainalysqany durys.
«Tanys paida bolyp, “depýtat bol” dese de, men ne isteimin ol jerde? Depýtat bolý úshin zańger, qarjyger, ekonomist siiaqty mamandyqtardy oqýym kerek edi. Ár adam óz ornynda bolýy kerek. Bloger, bishi, ánshi, sportshy depýtat bolýy kerek emes. Men ondaidy quptamaimyn. Depýtat bol dese de bolmaimyn. Men daiyn emespin. Bilimim joq», - dedi Merýert Túsipbaeva.
Ánshiniń bul pikiri áleýmettik jelide qyzý talqylanyp jatyr. Biri onyń óz múmkindigin shynaiy baǵalaǵanyn qoldasa, endi biri óner adamdarynyń da halyqtyń múddesin qorǵai alatynyn aityp pikir bildirýde.
