قازاقستاندىق ەنشٸ مەرۋەرت تٷسٸپباەۆا دەپۋتات بولۋ مەسەلەسٸنە قاتىستى ٶز پٸكٸرٸن اشىق ايتتى, دەپ حابارلايدى ult.kz.
ٶنەر يەسٸنٸڭ سٶزٸنشە, ول دەپۋتاتتىققا بارمايدى. سەبەبٸ ٶزٸن قولدايتىن نەمەسە جوعارىعا ۇسىناتىن ىقپالدى تانىستارى جوق ەكەنٸن جاسىرمادى.
«مەندە تانىس جوق. “كرىشا” جوق. كٶتەرمەلەيتٸن ەشكٸم جوق. مەن 55-كە تولامىن. پاۆلودار وبلىسىنان شىققان جالعىز ەنشٸمٸن. بٸراق جەرلەستەرٸم دە مەنٸ قولدامايدى. دەپۋتات بولۋ ٷشٸن تامىر-تانىس كەرەك. بٸرەۋدٸڭ تارتۋى كەرەك», – دەدٸ ول.
سونىمەن قاتار ەنشٸ دەپۋتات بولۋ ٷشٸن تەك تانىمال بولۋ جەتكٸلٸكسٸز ەكەنٸن ايتتى. ونىڭ پٸكٸرٸنشە, زاڭگەر, قارجىگەر, ەكونوميست سەكٸلدٸ سالالاردى مەڭگەرگەن ماماندار عانا زاڭ شىعارۋ ٸسٸمەن اينالىسقانى دۇرىس.
«تانىس پايدا بولىپ, “دەپۋتات بول” دەسە دە, مەن نە ٸستەيمٸن ول جەردە? دەپۋتات بولۋ ٷشٸن زاڭگەر, قارجىگەر, ەكونوميست سيياقتى ماماندىقتاردى وقۋىم كەرەك ەدٸ. ەر ادام ٶز ورنىندا بولۋى كەرەك. بلوگەر, بيشٸ, ەنشٸ, سپورتشى دەپۋتات بولۋى كەرەك ەمەس. مەن وندايدى قۇپتامايمىن. دەپۋتات بول دەسە دە بولمايمىن. مەن دايىن ەمەسپٸن. بٸلٸمٸم جوق», - دەدٸ مەرۋەرت تٷسٸپباەۆا.
ەنشٸنٸڭ بۇل پٸكٸرٸ ەلەۋمەتتٸك جەلٸدە قىزۋ تالقىلانىپ جاتىر. بٸرٸ ونىڭ ٶز مٷمكٸندٸگٸن شىنايى باعالاعانىن قولداسا, ەندٸ بٸرٸ ٶنەر ادامدارىنىڭ دا حالىقتىڭ مٷددەسٸن قورعاي الاتىنىن ايتىپ پٸكٸر بٸلدٸرۋدە.
