Qazaqstan Respýblikasy Parlamenti Senatynyń halyqaralyq qatynastar, qorǵanys jáne qaýipsizdik komitetiniń tóraiymy Dariǵa Nazarbaevanyń jetekshiligimen Sh.Ýálihanov atyndaǵy kadet korpýsynda Qazaqstandaǵy áskeri-patriottyq qozǵalys máseleleri boiynsha qoǵamdyq tyńdaý bolyp ótti. Atalǵan shara bir jumaǵa sozylǵan respýblikalyq áskeri-patriottyq «Jiger» lageriniń tájiribelik taldamalaryn qorytyndylaýdy maqsat etedi. Din isteri jáne azamattyq qoǵam ministri Nurlan Ermekbaev moderatory bolǵan qoǵamdyq tyńdaýǵa Parlament depýtattary, Qazaqstan halqy Assambleiasynyń, Qorǵanys ministrliginiń ókilderi, pedagogtar, jastar uiymdarynyń belsendileri, kadetter men jýrnalister qatysty.
Dariǵa Nazarbaeva óz sózinde elimizdiń 25 jyldyq kezeńdegi beibitshilik saiasatyna keńinen toqtala kelip, búgingi álemdegi kúrdeli áskeri-saiasi jaǵdaiǵa, jetekshi memleketter arasyndaǵy qarym-qatynastarǵa, qarýlaný úderisterine, terrorizm men dini ekstremizmge qatysty tolǵaqty pikirlerin ortaǵa saldy. Elbasynyń halyqaralyq bedeli, beibitshil syrtqy saiasatymyz osy jyldar aralyǵynda qaýip-qaterlerge tosqaýyl qoia bildi. Biraq, qazirgi álem damýyna naqty baǵa berý qiyn. Saqtyq pen qyraǵylyq talap etiletin ýaqyt ústemdigindemiz. Sondyqtan áskeri saladaǵy reformany jalǵastyrýmen qatar, bizdiń balalarymyz ben nemerelerimizdi áskeri-patriottyq rýhta tárbieleýge barynsha nazar aýdarýymyz kerek. Qazaqstandyq patriotizmsiz reformalar men oqýlar, qarjylandyrýdy arttyrý múmkin emes. Otannyń qadir-qasietin boiyna sińirip ósken urpaq árdaiym jeńimpaz bolatynyn áskeri tarih barynsha dáleldegen. Óitkeni, shynaiy rýh qýatyn jeńý múmkin emes, dedi komitet tóraiymy.
– Elbasy, Qazaqstan Respýblikasy Qarýly Kúshteriniń Bas qolbasshysy N.Á.Nazarbaev aitqandai, qazaqstandyq patriotizmdi qalyptastyrýda áskeri-patriottyq tárbie memlekettik saiasattyń basym baǵyty bolyp qala beredi, – dedi ministr N.Ermekbaev.
– Búgingi kúni barlyq óńirdegi bilim berý uiymdarynda 2200-den astam klýbtar, úiirmeler jáne sektsiialar jumys isteidi. Mundai qurylymdar Reseide 5,5 myń, al Amerikadaǵy skaýttyq qozǵalystar 4,1 million ul men 2,6 million qyzdy qamtidy. Munyń barlyǵy óz Otanyn keleńsiz jaǵdailardan qorǵaýǵa daiyn bolýdy maqsat etedi. Bizdiń elimiz de sergektikke selkeý túsirmeitini anyq.
Qazaqstan Qarýly Kúshteri Bas shtaby bastyǵynyń orynbasary, general-maior Muhamedjan Talasov Memleket Basshysynyń qatysýymen 2015 jylǵy 1 jeltoqsanda ashylǵan Astanadaǵy Ulttyq áske-
ri-patriottyq ortalyq qyzmetiniń, jyl saiyn ótkiziletin jastardyń respýblikalyq «Aibyn» áskeri-patriottyq jiyny, «Jas ulan» áskeri ánder festivali men «Erlik sabaqtarynyń» tárbielik mańyzyn atap kórsetti. Bilim berýdiń aimaqtyq uiymdary men jergilikti ákimdikter qoldaýymen áskeri-patriottyq aktsiialar, konkýrstar, viktorinalar, áskeri-dala oiyndary, sporttyq sharalar uiymdastyrylýda. Áitkenmen, memlekettik organdar bul oraidaǵy turaqty qarjylandyrý, tiisti quqyqtyq jáne materialdyq bazanyń joqtyǵynan qiyndyqtarǵa tap bolyp jatady. Bastapqy áskeri daiyndyq júiesin qýattandyrýda da ózekti máseleler bar, dei kele general birqatar usynystar, sonyń ishinde DOSAAF uiymdaryn jańǵyrtý qajettigin ortaǵa saldy. Tiimdiligi kórinip turǵan pikirler senator, Halyq QaHarmany, armiia generaly Muhtar Altynbaev pen Májilis depýtaty, respýblikalyq áskeri-patriottyq klýbtar federatsiiasynyń tóraǵasy Baqytbek Smaǵul tarapynan qoldaý tapty.
Qoǵamdyq tyńdaýdyń erkin mikrofony únemi jumys istep turdy. Kókshetaý pedagogikalyq kolledjiniń stýdenti Ermek Muqataev, kadet Viktor Shadetskii, Jambyl oblysyndaǵy áskeri-patriottyq klýbtyń jetekshisi Olga Saǵyndyqova, Qazaqstan jastary kongresiniń atqarýshy direktory Aityn Sábitov jáne basqalar búgingi sharanyń mańyzdylyǵyn atap ótti.
– Mundai sharanyń aýqymy keńip, jylyna eki ret ótkizilip turýy qajet,– dedi qorytyndy sózinde Parlament Senaty komitetiniń tóraiymy Dariǵa Nazarbaeva.
– Jáne ony elimizdiń ártúrli aimaqtarynda uiymdastyrǵan tiimdi. Jastarǵa tájiribe almasyp, pikirler jinaqtaýyna, belsendi jumys atqarýyna múmkindik jasaýymyz kerek.
Baqbergen AMALBEK,
«Egemen Qazaqstan»
Aqmola oblysy
.jpeg)